Helga og voffarnir í Noregi

4 vikna praksís lokið

2011-04-14T20:45:00.000Z

Jæja, það hlýtur að vera við hæfi að blogga nákvæmlega einum mánuði eftir síðasta blogg. Margt hefur gengið á og síðastliðnar 4 vikur hef ég verið í praksís í Oppsal kirkju hér í Osló. Það var ofsalega skemmtilegur og lærdómsríkur tími. Ég var stundum svo uppgefin eftir heilan dag, frá morgni til kvölds í kirkjunni, að ég rétt skreið innum dyrnar og uppí rúm. Sem betur fer Hjálpuðu og Halldóra og Ingvar mér með hana Emmu, þegar dagarnir voru svona langir. Annars fékk nú prinsessan nokkrum sinnum að koma með og vakti mikla lukku, sérstaklega hjá prestinum. Presturinn sem við Petter, bekkjarbróðir minn, fylgdum í 4 vikur var rosalega fínn, svakalegur drifkraftur í honum og hann tók rosalega vel á móti okkur. Það var samt frekar skondið að hann er nauðalíkur pabba mínum, sló mig alveg útaf laginu fyrsta daginn, en ég lét Petter taka mynd af okkur saman á símann minn sem ég set hérna inn þegar ég finn snúruna sem tengir símann í tölvuna :p
Ég predikaði svo í fyrsta sinn sunnudaginn 3. apríl. Það var alveg ofsalega skemmtileg reynsla og ég fékk alveg frábær viðbrögð hjá þeim sem hlustuðu. Það er engin miskunn í MF og strax á mánudag byrjaði skólinn aftur, daginn eftir síðasta dag í praksís. Og ekki nóg með það heldur eru 3 verkefnaskil í vikunni, auk fyrirlestra. Ég náði að klára tvö þeirra í dag, svo núna er bara eitt eftir áður en ég er komin í páskafrí! Ég vildi ég gæti farið heim um páskana, en ég mun þó njóta þess að vera í vorblíðunni hérna í Osló og njóta páskanna með Ingvari og Halldóru. Halldóra ætlar meira að segja að koma með páskaegg handa mér :D
Ég er búin að senda inn umsókn í Háskólann í Mag. Teol námið og nú er bara að biðja að ég komist inn. Ég hlakka svooo mikið til að koma heim í haust.
En ég læt fylgja með nokkrar myndir einsog vanalega.
Hundastelpurnar, ég, Saf og Halldóra

Ingvar með Emmsið

Skuld fínasta sem var í pössun hjá mér meðan hún var að lóða

Emma að vera fín líka

Svo ein af vinkonunum

Læt þetta duga í bili, með loforð um að vera duglegri bloggari einsog vanalega :D

Breytingar

2011-03-14T14:11:00.000Z

Vá, ég er ekki búin að vera að standa mig með bloggið. Eins og þið, mínir dyggu lesendur, vitið, þá kvaddi ég hann Fróða minn fyrir þrem vikum síðan. Ég sakna hans svooo og síðustu vikur hafa verið mjög erfiðar. Mamma mín skrifaði svo falleg ljóð um prinsinn minn sem ég ætla að deila hér.

Fróði

Fróði nú er ferðin þín á enda

friður Guðs er yfir brottför þinni

Helga er til himins þig að senda

hugrökk, svo að verkjum þínum linni

Tilvist þín var góð og falleg Fróði

fórstu oftast þínar eigin slóðir

þú varst hennar hundur þolinmóði

helstu kostir þínir býsna góðir

Trúi dyggi fylgissveinninn Fróði

færðir Helgu ró með návist þinni

núna vill hún þakka þér í ljóði

þessi góðu yndislegu kynni

----------------------

Jesús hjá þér nýjar vonir vekur

vinur þinn sem bíður gjöfum hlaðinn

hvert sinn er hann eitthvað frá þér tekur

ætlar hann að gefa nýtt í staðinn

Besta Helga brostu svo að nýju

bráðum kemur vor og nýjar stundir

falleg sólin faðmar þig með hlýju

og Fróði hleypur sæll um himins grundir

ort 20.02.11 Þórdís Klara

Ég mun skrifa minningargrein um hann sjálf þegar ég er tilbúin og setja hérna á bloggið.

Annars hef ég verið mikið að spá og spekúlera undanfarið og sýnist niðurstaða þess verða sú að ég flytji heim aftur í haust. Ég er að skoða alla þessa praktísku hluti, einsog hvernig er að halda áfram náminu mínu í HÍ og þessháttar. Svo er auðvitað líka einangrunin og sprautur og annað sem Emma þarf áður en við förum heim. Svo það er margt sem þarf að huga að.

Ég finn að þetta er það sem ég vil og mig hlakkar bara rosalega til að flytja heim aftur, þrátt fyrir að ég eigi auðvitað eftir að sakna minna góðu vina hér í Noregi.

Á morgun byrja ég í praksis í Oppsal Menighet í Osló, ég hlakka til um leið og ég er pínu stressuð, en ég held þetta verði rosalega dýrmæt og góð reynsla fyrir mig að hafa.

En ég læt gott heita í bili og set inn myndir fljótlega fyrir múttu gömlu sem kann ekki á fésið :p

Raunablogg

2011-02-11T23:11:00.000Z

Það er léttir að þessi skólavika sé nú liðin undir lok, alltof mikið búið að ganga á síðustu daga og gott að vera komin í tveggja daga frí. Gærdagurinn var vægast sagt erfiður. Ég var á leið heim úr strætó með níðþunga poka, var að kaupa 10 kíló af fóðri fyrir Fróða. Ég var í mestu vandræðum og þá kemur einhver náungi sem þykist vera voða vinalegur og vill fá að halda á einum pokanum fyrir mig. Ég sá framá að ég yrði í erfiðleikum með að koma þessu öllu heim svo ég þáði hjálp smá spotta. Þegar ég vildi svo fá pokann aftur tók hann það ekki í mál. Hann ætlaði að fá að koma með mér inní íbúðina mína og þyggja kaffibolla. Til að gera langa sögu stutta varð hann æfur þegar ég sagði þvert og ákveðið NEI við þeirri bón. Svo ákveður hann að ástæða þess að ég hleypi honum ekki inn sé húðliturinn hans og byrjar að kalla mig rasista og ýmsum öðrum misfögrum nöfnum. Hann hækkar röddina og ég hélt á tímabili að hann ætlaði að ráðast á mig. Hann var komin hálfa leið upp tröppurnar að útidyrahurðinni og var mjög ógnandi. Ég sagði honum að fara og sem betur fer byrjaði hann að labba í burtu, blótandi og kallaði á mig að ég ætti að fara til helvítis, sem ég afþakkaði, og lét sig sem betur fer hverfa á endanum. En þessi brjálæðingur veit núna hvar ég á heima. Fyrir skemmstu var stúlka lamin hérna í hverfinu fyrir að segja nei við svona gaur. Þar fór styðsta leiðin heim, nú verð ég að taka annan strætó heim til að þurfa ekki að labba í gegnum blokkirnar þar sem þessi gaur býr.
Til að toppa daginn beið mín email frá skólanum að kalla mig á fund varðandi Fróða. Beyglan sem er yfir á bókasafninu vildi ekki að ég fengi að hafa hann þar, námsráðgjafinn sem á að sjá um þetta mál fyrir mig lét hana ekki vita að ég mætti vera með hann þar og allt fór í háaloft. Ég er þó með vottorð undirritað af námsráðgjafanum að ég megi vera með Fróða allstaðar nema í mötuneytinu, bara hvergi lausan. Námsráðgjafinn reyndi að halda fram að hún hefði skrifað að hann þyrfti alltaf að vera í tösku en ég gat sýnt henni þetta svart á hvítu. Hún sagði að nú þyrfti ég alltaf að vera með hann í tösku enda hefði hún meint það þegar hún skrifaði að hann mætti ekki vera laus????? Þvílíkur haugur af kjaftæði, ég átti ekki orð. Auk þess man ég greinilega að við ræddum einungis um að hann þyrfti að vera í taum.
Ég er alveg komin með nóg af þessu skipulags og samskiptaleysi í skólanum sem ég þarf að gjalda fyrir. En elsku bestasti Fróðinn minn gerir mér lífið erfitt þessa dagana. Dýralæknakostnaðurinn útaf bakinu hans er meira en ég ræð við akkúrat núna. Auk þess veit ég ekki hvað ég á að gera við hann þegar ég fer í praksís í næsta mánuði. Ég elska hann svo óendanlega mikið, en það er orðið ofsalega erfitt að láta þetta allt saman ganga upp. Ég verð að treysta Guði að hann sé með einhverja lausn, því þetta getur ekki haldið svona áfram ;(
Þetta varð alveg óvart rosalega neikvætt blogg, en því miður er lífið frekar erfitt þessa dagana. Á morgun stefni ég þó á að hitta Safiyyu og Halldóru á Majorstuen og um kvöldið kemur Miriam og kannski Camilla líka í heimsókn að horfa á Prince of Egypt í flotta sjónvarpinu mínu!
Vonandi fæ ég líka eitthvað að heyra í Fjólu minni sem fyrst, núna þegar netið er loksins komið í lag :)

Meiri snjór

2011-02-07T23:50:00.000Z

Þá er viðburðarrík helgi liðin undir lok og vikan tekin við. Netsambandið hefur verið vægast sagt skrautlegt undanfarna daga, en vonandi fæ ég bætt úr því í vikunni.

Ég smellti af nokkrum myndum um helgina og læt þær tala sínu máli.

Fróði og Emma fengu að leika sér í rúminu mínu og nutu þess í botn.

Á laugardaginn fórum við Halldóra á hundasýningu í Hellerudsletta og ég tók örfáar myndir.

Þessi var ekkert smá afslappaður á snyrtiborðinu.

Ég er alveg rosalega hrifin af þessum sæta hvolpi og smellti mynd af honum inní hring.

Á sunnudag fór ég í ægilega skemmtilega fjölskyldumessu og svo í kaffi til Halldóru og Ingvars. Fróðinn minn er soldið að koma til, orðinn betri í bakinu finnst mér. Í kvöld fór ég út með voffana í smá miðnætturgöngu í nýföllnum snjó og þá fékk Fróði að hlaupa laus í fyrsta sinn í langan tíma.

Ég fór uppí íbúð aftur að ná í myndavélina, enda ekki annað hægt en að smella af nokkrum í svona veðri. Vildi ég gæti bara skrópað í skólann á morgun og verið úti allan daginn með voffana.

Ég og María systir erum svo að stefna á að fara og sjá Cesar Milan í Osló spektrum í maí! (Fjóla, þér er að sjálfsögðu boðið með :p)

Klukkan er orðin alltof margt og ég fer í tvöföldan GT tíma á morgun svo ég bíð góða nótt!

Loksins blogg!

2011-02-01T22:39:00.001Z

Ég ákvað að byrja að blogga aftur, svoleiðis að ef einhverjar hræður þarna úti hafa ennþá áhuga á að fylgjast með hvað er að gerast hjá mér þessa dagana. Mamma kann ekki á fésið og kvartar undan myndaleysi svo ég mun láta það fylgja. Kannski það minnki líka aðeins fjarlægðina við hana Fjólu mína, sem ég fæ að fylgjast svo vel með á blogginu hennar.

Ég er á lokaönninni í Bachelor náminu svo það er mikil pressa og nóg að gera. Hebreskan er einstaklega áberandi og því miður er kennslan ekki góð og námsárangur eftir því.

Emma verður bráðum 14 mánaða og það er nokkuð útséð að hún verður ekki mikið meira en písl þar sem hún vegur ennþá bara 1.5 kíló.

Hún fékk nýtt rúm um daginn sem hæfir prinsessunni

Fróðinn minn er ekki nógu hress. Hann hefur verið slæmur í bakinu frá því ég kom heim í janúar og hefur farið reglulega til kírópraktors. Hann tekur hægum framförum, en ekki nógu miklum og þarf væntanlega að fara í röntgen eftir um 2-3 vikur til að ákveða hvað eigi að gera Kíró talaði jafnvel um að aðgerð væri inní myndinni og það olli mér áhuggjum, enda er það bæði stór og mjööög dýr aðgerð. Ég ætla að hringja í tryggingarfélagið mitt í vikunni og athuga hvort allt sé á hreinu þar.

Safiyya vinkona er búin að vera með hvolpana sína í 3 vikur núna og gengur bara ágætlega.

Lilly var sú feimnasta, hafði aldrei hitt hræddari hvolp sem var meira inní sér en hún, en eftir aðeins viku umturnaðist persónuleikinn hennar og hún er nú opin og ótrúlega hugrökk!

Molly var sú opnari af þeim systrum, rosalega aktív og hugrökk. Hún er hins vegar núna sú óöruggari af þeim tveim og leitar skjóls hjá systur sinni. En algjört kúrudýr og lúffari.

Smellti svo einni mynd af Saf með hann Fróða minn, en hún er í uppáhaldi hjá honum enda dugleg að troða hann út af ýmsu góðgæti.

Það verður svo nóg að gera hjá mér á morgun, þarf að vinna í hebresku verkefni, mæta í tíma og fara í hópinn minn. Já og koma Fróða fyrir í pössun einhverstaðar í millitíðinni.

Þetta var fyrsta bloggfærsla ársins 2011 og vonandi verða þær fleiri ;)

Komin til Noregs

2010-07-20T19:09:00.000Z

Nú er ég komin aftur til Noregs eftir frábæra, en alltof stutta heimsókn til Íslands. Ég hafði í nógu að snúast heima og biðst afsökunar á bloggleysinu. Það var svo gott að fá voffana mína aftur þegar ég kom heim, en annars hefur það verið soldið erfitt. Alltaf smá skellur þegar maður fer frá að vera umkringdur fjölskyldu og vinum allan sólarhringinn í að vera ein með voffunum allan daginn, eða hangsa ein í vinnunni þar sem allt er í rugli. Það lýtur út fyrir að ég þurfi að finna aðra vinnu með haustinu, svo mikil óvissa í vinnunni einsog er. Vandinn er bara að finna vinnu þar sem ég má hafa hundana og er á jafn ídeal stað og þessi búð.

Þrátt fyrir að hafa hlakkað til að fá frí frá skólanum, er ég farin að hlakka til að hann byrji aftur svo heilinn minn fáinú einhverja jákvæða örvun. Ætlunin var svo að heimsækja Miriam vinkonu mína í Leksvik, en það lítur ekki út fyrir að það geti orðið sökum peningaskorts. Í staðinn fer ég til Lærdal í næsta mánuði að heimsækja Siggu vinkonu sem er að vinna á kaffihúsi þar í sumar. Það verður vonandi gaman, þó ég þurfi að setja voffana í pössun á meðan.

Mér tókst svo að gleyma húslyklunum heima á Íslandi svo yfirmaður minn þurfti að koma í vinnuna og hleypa mér inn, snemma á laugardagsmorgni, en þeir eru nú á leiðinni með hraðpósti frá Íslandi. Ég ætla svo að skrá Emmu á sýininguna hér í Osló 15 ágúst, sem ég hlakka mikið til.

En það er ekkert mikið meira að frétt af mér í bili, en ég set inn nokkrar myndir frá íslandsheimsókninni:

Mamma og María sætar í Elliðaárdalnum

Flottustu brúðhjónin

Við Halla

Svo að lokum ein af Helgafellinu

Læt þetta duga í bili en svo er hellingur af myndum á fésinu :D

Systkina Reunion

2010-06-28T16:50:00.000Z

Ta er eg mætt aftur i vinnuna eftir helgarheimsokn hja Lindu, fyrrum yfirmanni minum og nuverandi eiganda Edhs, brodur Emmu. Hun sotti mig a lestarstødina i Oslo eftir vinnu a laugardag og vid keyrdum heim til hennar i Drøbak, en hun og fjølskyldan bua i svaka flottu husi med storan gard og draumautsyni. Emma og Edh, eda Eddie einsog tau kalla hann, voru ekki lengi ad fara i hørkuleik, en stundum vard æsingur of mikill og vid turftum ad adskilja tau, enda bædi sterkir og dominerandi personuleikar, og hvorugt vildi gefa sig. En audvitad turfti Eddie ad luta lægra haldi, enda ofurhex tarna a ferd, hun litla sæta saklausa Emma min :p Tad vildi svo oheppilega til ad Emma byrjadi ad loda a sunnudaginn, Eddie var ekkert alveg ad fatta hvad væri i gangi, en Border Collie rakkinn teirra var med tetta a hreinu og Emma reyndi nokkrum sinnum ad stinga af til hans. Frodi synir Emmu engan ahuga, en hann var ofurstressadur ef BC inn ætladi nalægt henni og ta urradi hann a hann og sleikti hann i framan a vixl til ad halda honum fra Emmunni SINNI :)
Her koma nokkrar myndir en svo er restin a fesinu.

Tad for audvitad allt i uppnam med pøssun fyrir Emmu utaf lodariinu, en hun atti ad fara til tjuaræktanda sem er med ogelda rakka. Eg setti strax inn auglysingu a tjuaspjallid aftur og tveir budu sig fram a innan vid 3 timum! Ønnur teirra byr i Drammen og ætlar ad na i Emmu litlu i Oslo a fimmtudag. Hun er mjøg fin og a tvær tjuatikur, ønnur teirra er 8 manada og eg held ad hun og Emma gætu ordid finar saman :) Hun a lika 2 ara strak sem er vanur hundum, en Emma elskar børn svo hun verdur ørugglega glød. Ad auki tarf hun ekkert ad vera ein heima :)
Eg er svo ad vinna alla daga tar til eg fer heim, en eg verd daudfegin ad fa fri fra tessari vinnu, enda alveg hlælilegt astand herna! Nu tel eg bara nidur dagana! :D

Einkunnir komnar og styttist i heimfør!

2010-06-26T11:44:00.000Z

Eg skelli her inn stuttu bloggi, hef haft i ymsu ad snuast sidustu daga og nu styttist i heimferd, en eg verd komin a astkæra ylhyra landid mitt eftir adeins 6 daga!!! Akkurat nuna er eg i vinnunni ad bida eftir ad starfsfelagi minn komi en hun atti ad vera her fyrir halftima sidan. Astandid her i vinnuni er heldur skrautlegt, en verslunarstjorinn og eigandinn farnir i fri og enginn veit nett hvenær hver kemur tilbaka. Til vidbotar tyndi eigandinn timalistunum fyrir sidasta manud sem hann atti ad skila inn a manudag og eg stend her og reyni ad muna hvada tima eg hef unnid, skithrædd um ad gleyma einhverju :(
Eg hef snuist i ymsu fra sidasta bloggi og for i tjuagøngu a sunnudag i frabæru vedri a rosalega fallegum stad sem heitir Kattås og er i Bærum. Emma og Lilo skemmtu ser vel, og Frodi teirra best tar sem hann stakk okkur af og for ad eltast vid beljur a beit og vorum vid 3 um korter ad na i skottid a otekktargorminum. Ta var eg ordin verulega hrædd enda hætt vid ad bondinn kæmi ut med haglabyssuna, eda hann yrdi hreinlega trampadur nidur af beljuhjørdinni sem var ansi stor og hafdi kalfa. Eg setti myndir ur gøngunni a fesid, en tad er eitthvad vesen med heimasiduna mina tvi tær hlodust ekki allar tangad inn, en eg ætla ad setja inn tvær af tjuaskvisunum her:

Lilo bakpokaferdalangur

A tridjudag for eg a syningartjalfun ad vana i Frognerparken med Emmu mina og hun stod sig med ljoma.

Vid finar i hringnum, fengum reyndar ahorfendur og lofaklapp og japanskir turistar smelltu af myndum.

Eg er svo buin ad fa einkunnirnar:

Luthersk Bekjennelse: C

Kristologi: C

Griska: E

Er anægd med Cin en ætla ad reyna ad fa ad taka griskuna upp aftur :(

Eftir vinnu nuna a eftir fer eg med voffatrioid i heimsokn til Lindu, fyrrum yfirmanns mins og nuverandi eiganda Edhs. Hun byr i Drøbak og getur verid ad eg verdi tar fram a morgundaginn en ta ætla eg ad hitta Marte og Henriette sem voru med mer i bekk i fyrra. Vedrid er rosa gott og myndavelin i farteskinu og vonandi verdur tetta god helgi :)

Hæho og jibbijeij

2010-06-17T17:27:00.000Z

tad er kominn 17. juni :D
Tad er vist ekki mikid fagnadarefni fyrir Nordmennina og eg turfti ad drøsla mer i vinnuna einsog alla adra daga! Fyrir vinnu for eg to med voffatrioid til dyralæknis til ad lata taka hvolpatennurnar ur Emmu. Mer var bent a tennan dyralækni av stelpu a tjuaspjallinu, en hann er professor vid dyralæknahaskolann og er med inimini stofu i kjallaranum hja ser. Eg var buin ad hringja i dyralæknastofuna mina og spurja hver kostnadurinn væri vid svona adgerd og tær søgdu mer ad fyrir 4 tennur væri verdid um 4000 og færi hratt hækkandi eftir hversu margar tennur tyrfti ad fjarlægja. Tau vildu eg kæmi fyrst med Emmu i tima sem eg mundi borga 500 kr fyrir og svo boka adgerd. Torje, dyrinn sem eg for til, tok 800 kronur fyrir ad fjarlægja um 8 tennur!!!! Hann var rosa indæll og er vist i sambud med islenskri konu sem er lika dyralæknir svo hann oskadi mer til hamingju med daginn. Svo deyfdi hann Emmu og kom ser beint ad verki a medan eg horfdi a. Tad var alveg merkilegt ad horfa a tar sem hann bara skrapadi burt hvolpatennurnar og dro ut tær sem satu fastar. Hann tok ut allar hvolpatennurnar sem voru eftir fyrir utan eina, sem hann var ekki viss hvort væri hvolpa eda fullordins. Eg fer ta bara med Emmu aftur til hans ef hun a ekki ad vera tarna. Annars sagdi hann ad bitid væri edlilegt, hun væri med tangarbit nuna sem myndi ad øllum likindum verda skærabit tegar fullordinstennurnar færast framar. Hann skodadi svo hneskeljarnar hennar og sagdi ad tær væru afbragds fastar og finar :D Hann hlustadi hana svo og tar var allt edlilegt. Semsagt allt i ljomandi lagi :D Eg for svo heim med Emmu uppdopada og nu er eg i vinnunni med allt gengid. Emma hefur sofid sidan hun "vaknadi" ur deyfingunni, alveg buin a tvi dullan min. Eg vil svo skra hana a syningu i agust, svo eg ætla ad senda post a Ønnu Jonu til ad vita hvort hun se buin ad sækja um ættbokina hennar!!!
Voffarnir eru svo badir komnir med pøssun medan eg fer heim i juli!! :D Emma fer til tjuaræktanda i Drammen og Frodi til stelpu ur tjuadeildinni sem a tjua og bløndu af tibba og tjua, badar tikur :D
Her er ædislegt vedur og frekar fult ad hanga inni i vinnunni, en tegar eg kem heim er 17. juni veisla i gardinum hja Elsu væntanlega en i fullum gangi og Elsa ætladi ad halda fra fyrir mig disk med islensku lambakjøti, mmmm :)

Kyrrdardagar i Norefjell

2010-06-14T15:16:00.000Z

Eg er komin heim eftir goda og ad mestu leyti afslappandi helgi i Norefjell. Eg for eldsnemma a laugardagsmorgninum til Nordstrand med hundana i pøssun og var svo samferda Ørnu uppeftir. Laugardagurinn var allavega mjøg afslappandi, kyrrdar og bænastundir asamt godu spjalli med godu folki var rosalega fint. Eg var med sma innlegg um bænabandid og svo forum vid i gøngu og nutum tess svo ad borda godan mat um kvøldid.

Herna erum eg, Sigrun og Arna. Stal myndinni af Sigrunu :p

A sunnudeginum var planid ad fara i SPA a svaka flottu hoteli uppi Norefjell. Eg ætladi med og fara i heitu pottana, en var audvitad a tur og turfti tess vegna ad bida fyrir utan medan hinar foru inn. A medan eg beid fekk eg sms um ad eg tyrfti ad sækja hundana i Langhus, frekar langt fyrir utan Oslo, en ta hafdi folkid farid tangad an tess ad tala vid mig og fa samtykki. Svo heyrdi eg ekkert meira fra teim tegar eg reyndi ad hringja og fekk nottla alveg panikk, tvilik martrød. Eg var tilbuin ad hringja i løgregluna tegar eg loksins nadi sambandi vid tau og fekk heimilisfangid tar sem eg gat nad i hundana. Samtimis fekk eg alveg hrædilegar frettir ad heiman og tegar ad Arna kom ur SPA-inu badum vid saman. Tetta var semsagt erfidur dagur og tegar eg kom heim bidu eftir mer Lisa og madurinn hennar sem høfdu passad Lilo tangad til eg gæti tekid vid henni. Svoleidis ad nuna er eg med 3 hunda heima! Eg skildi Emmu og Lilo eftir i hvolpagrindinni tegar eg for i vinnuna i dag, vonandi halda tær ofanaf fyrir hvor annari tar til eg kem heim. Emma og Lilo eru svaka vinkonur og leika og kura saman allan daginn, Frodi prins er hins vegar ekki eins spenntur yfir vidbotinni og finnst eiginlega nog um. Tad korrar i honum tegar tær eru med læti og hann flyr uppi sofa tar sem hann korrar ødru hvoru ef tær koma of nalægt med æsinginn!

Tessa viku verdur nog ad gera, en eg er ad vinna a hverjum degi og a morgun fer eg i syningartjalfun med voffana. Eins gott Frodi haldi sig a mottunni, en tad verdur fjør med 3 hunda! A fimmtudaginn hef eg svo fengid tima fyrir Emmu hja dyralækni sem var mælt med a tjuaspjallinu, en eg ætla ad lata taka ur henni hvolpatennurnar sem ekki eru farnar. Hann sagdist taka max 800 fyrir og eg tel tad nokkud vel sloppid, hefdi ørugglega verid lagmark 2000 a dyralæknastofunni minni!

A laugardaginn er svo 17. juni hatid i Nordberg kirkju ad vana, en mer gengur ekkert ad losna vid vaktina mina i vinnunni svo eg efast um ad eg komist :(

Annars hef eg tekid akvørdun um ad klara bara BA i Menighetsfakultetet herna i Oslo og flytja svo heim jafnvel um jolin 2011. Tad er ekki 100% akvedid ennta en eg hugsa eg klari prestnamid heima, annad hvort tad eda fara til USA i MA nam og komi svo heim eftir tad. En væntanlega mun eg flytja fra Noregi i lok næsta ars! Ta mida eg vid ad vinna fram ad jolum herna uti svo eg eigi fyrir einangruninni fyrir voffana og svona. Eg fer svo til namsradgjafa i tessari viku, vonandi, til ad ræda tessi pløn og tarf lika ad athuga med haskolann heima.

Tetta er allavega bænarefni og sømuleidis hafa komid upp alvarleg veikindi i fjølskyldunni sem eg bid ykkur ad hafa i bænum ykkar.

Komin í sumar"frí"

2010-06-10T19:49:00.000Z

Síðustu dagar hafa liðið hratt! Ég fór í síðasta prófið á þriðjudag, en það gekk vægast sagt ekki vel :( Vona bara að ég nái svo það verði ekki vesen með námslánin, en ég verð bara að leggja þetta í Guðs hendur og reyna að njóta þess að vera komin í frí frá skólanum í bili!
Ég verð að vinna á hverjum einasta deg út júní eða þangað til ég kem heim 2. júlí (og já, ég er að vinna 2. júlí :p). Kannski mögulega einn sunnudagur þar sem ég á frí! En það þýðir líka að ég vinn mér inn peninga :D :D :D

Um helgina fer ég svo á kvennadagana í Norefjell og hlakka mikið til. Emma og Fróði fara í pössun til ungs pars í Nordstrand sem ég fann gegnum auglýsingu á netinu. Ég er pínu stressuð að þau séu að fara til ókunnugra en vonandi gengur það bara vel. Emma er auðvitað ennþá ofurgelgja, en hún hefur róast helling síðustu daga og mér finnst ég aftur vera búin að fá góðan kontakt við hana. Ekkert urr eða vesen nýlega heldur, enda er það svo algerlega útúr karakter fyrir hana því hún er svo ljúf og góð. Algert yndi og mér þykir alveg ofsalega vænt litlu kúrimúsina mín.

Safiyya fer heim til Texas á laugardag, en þar sem ég er í burtu yfir helgina tek ég við Lilo af vinkonu hennar á mánudeginum. Það verður stuð hér á bæ með þrjá voffa, en ég held ég láti Emmu og Lilo vera í hvolpagrindinni meðan ég fer í vinnuna með Fróða kallinn. Er að heiman í max 7 tíma og vona það sé allt í lagi ef ég fer með þær í góðan labbitúr fyrir og eftir vinnu.

Í dag eru bara 23 dagar þangað til ég kem heim!!! Ótrúlegt hvað tíminn líður! Ég er að vinna í að redda pössun fyrir voffaskrípin, en reikna með að þurfa borga eitthvað fyrir það, þar sem þeir sem ég þekki sem kæmu til greina eru uppteknir þennan tíma í júlí. En ég ætla að setja inn auglýsingu á tjúaspjallið og sjá hvað gerist. En þið megið endilega hafa þetta í bænum ykkar ;)

Hér koma svo örfáar myndir frá heimsókn Kristínu og Fjólu minni þegar þær voru í heimsókn, sakna ykkar nú þegar!

Fjóla vakin af voffunum :D

Fróði minn í klippingu hjá Fjólu:

Ég ætla að ræna eitthvað af myndunum sem þær tóku og setja á síðuna mína, fattaði að ég tók eiginlega engar myndir sjálf! :p

Svo var pínu myndataka hérna í gær :p

Emma sæta 7 mánaða og 1350 gr.

Svo ein í lokin af sætustu kúrimúsunum mínum :D

Ég læt þetta duga í bili, en næsta blogg verður væntanlega ekki fyrr en eftir helgi þar sem ég fer til Örnu eldsnemma á laugardagsmorgninum og er að vinna til 5 á morgun áður en ég heimsæki Safiyyu til að kveðja hana og Robert áður en þau fara til Texas.

Próflestur

2010-06-05T11:30:00.000Z

Ég ætla að koma með stutt blogg hérna í prófatörninni, sökum annríkis verða engar myndir í dag. En ég er á haus í lærdómnum enda skila ég heimaprófi á mánudaginn og fer í mjög erfitt grískupróf daginn eftir. Það var rosalega gaman að hafa Kristínu og Fjólu í heimsókn í síðustu viku, þó að heimsóknin hafi litast soldið af því að ég er í prófastressinu. Lilo litla "is living the good life" hjá Safiyyu, þrátt fyrir að vera alger dramadrottning! Hún öskrar svo hátt þegar Saffiya er að klippa neglur eða setja krem í augað hennar að nágranninn bankaði uppá hjá henni til að athuga hvort hún væri að misþyrma hundinum sínum! Ég hef því víst ekki yfir miklu að kvarta með hana Emmu mína, en hún er reyndar orðin mjög góð að leyfa að kíkja á tennur aftur. Hún er samt ennþá á ofurgelgju og urraði í fyrsta sinn þegar hún var í búrinu og Safiyya ætlaði að stinga hendinni inn. Þar hafði hún farið inn með spennandi bein og vildi hafa það fyrir sig. Ég varð reið og reif hana útúr búrinu og lagði hana á bakið. Hún hætti þessu um leið, en ég er orðin frekar leið á svona atvikum.
Hérna er búið að vera steikjandi hiti og sól alla dagana frá því stelpurnar fóru. Ég hef verið töluvert úti í góða veðrinu að læra, og sit núna í garðinum heima á meðan ég vinn í verkefninu, sem gengur ágætlega. Annars er það í fréttum að Arna, íslendingapresturinn hérna úti, hringdi í mig og sagði mér frá kyrrðardögum fyrir konur sem verða í Norefjell næstu helgi. Sálfræðingurinn sem átti að sjá um prógrammið með henni forfallaðist og hún bað mig að koma í staðinn! Ég er rosalega spennt og glöð að fá þetta tækifæri. Ég fæ einnig meiri vinnu í töskubúðinni í sumar, sem er mikill léttir.
Ég er svo búin að ákveða að skrá mig inní líkamsræktarstöð og æfa þrisvar í viku í sumar, með Safiyyu. Ég er mjög spennt fyrir þessu og vona það gangi vel.
En ég þarf að snúa með aftur að lærdómnum hérna í sólinni!

Heimaprófið hafið

2010-05-21T09:17:00.000Z

Hér er búið að vera steikjandi hiti síðustu daga og nær ólíft í íbúðinni minni í gær. Í dag er skýjað og um 20 gráður, en ég verð líklega inni mestanhluta dags að vinna í heimaprófinu mínu. Ég fékk semsagt fyrsta prófið mitt í dag og hef viku til að skrifa 4000 orða ritgerð um framsetningu Guðspjallana á Jesú og bakgrunn þeirra í Gamla testamenti Gyðinganna. Mér finnst þetta viðfangsefni spennandi og vonandi næ ég að nota tímann vel og vera effektív núna um helgina svo ég standi ágætlega að vígi þegar stelpurnar koma. Það er alveg rosalegt hvað tíminn líður hratt, en nú eru einungis tveir dagar í að hún Kristín mín komi með Lilo litlu, en sem betur fer eru allir útflutningspappírar komnir í lag!
Mér er svo boðið í mat til Safiyyu og Roberts, mannsins hennar, í kvöld og ég hlakka til. Hér til hliðar er mynd af Safiyyu þegar hún kom í kaffi til mín á miðvikudaginn. Við spjölluðum heillengi, en mér líkar vel við hana, hún er voða hress og skemmtileg. Jæja þá er að hella sér í lærdóminn, wish me luck!

Sýningarþjálfun í sól og blíðu

2010-05-18T21:53:00.002Z

Nú er frábær dagur að enda kominn. Ég hóf þennan dag á að labba niður í skóla í frábæru veðri með voffana, þar sem ég átti fund með grískukennaranum. Þetta var góður fundur og mér finnst ég standa aðeins betur í grískunni núna. Fyrsta heimaprófið í Kristologi nálgast óðum og ég er óneitanlega pínu stressuð, en verð bara að leggja þetta í Guðs hendur.

Í kvöld fór ég með Fróða og Emmu á sýningarþjálfun sem var haldin í garðinum hjá einni í Chihuahua klúbbnum. Veðrið var alveg geggjað og þarna var fullt af fallegum tjúum og skemmtilegum eigendum. Emma var alsæl og virtist gjörsamlega óþreytanleg þar sem hún lék sér við hina tjúana. Fróði stóð sig líka með sóma, var bara góður og ekki með neitt vesen. Bara virkilega gaman að hafa hann með. Hann þurfti svo að dúsa inní búri meðan ég þjálfaði Emmu, en það gekk alveg rosalega vel. Hún gekk svo fínt í taumnum og var í góðu sambandi við mig allan tímann. Borðþjálfunin gekk líka ljómandi vel, hún styllti sér upp sjálf á borðinu og það var ekkert mál að skoða tennur. Hún var ennþá öruggari en síðast og ég var bara rosalega ánægð með sætu Emmuna mína. Hún verður bara fallegri með hverjum deginum, en ég hlakka svo til að sjá hvernig hún á eftir að þroskast.

En hér koma nokkrar myndir frá þjálfuninni:

Það eru svo miklu fleiri myndir hérna :)

En nú er bráðum tími að fara í háttinn, á morgun kemur Safiyya, verðandi eigandi Íseyjar, í kaffi til mín og það verður spennandi. Svo er vinna um kvöldið og grískunám að vana svo það er nóg að gera!

Hæ hó og jibbijeij....

2010-05-17T16:16:00.000Z

...það er kominn 17 maí :D Ég skellti mér niður í bæ í dag að sjá hátíðarhöldin og VÁ hvað það var mikið af fólki!!! Ég tók strætó og ætlaði að hitta Ingvild á lestarstöðinni, en strætóinn komst ekki alla leið út af mannfjöldanum sem var búin að fylla allar götur og torg!!! Ég þurfti því bara að fara út og labba, en Ingvild gekk á móti mér. Hún varí rosa sæt í þjóðbúningnum frá Norður Noregi, þaðan sem hún kemur.

Við löbbuðum soldið um bæinn, en vorum fljótar að koma okkur úr mestu kösinni á Karl Johan. Emma og Fróði voru auðvitað með í för, en Emma var alveg hörkudugleg. Hún gelti soldið á lúðrasveitirnar fyrst, en var fljót að róa sig niður þegar hún sá að Fróða þótti ekkert um þetta. Á köflum þurfti ég hreinlega að halda á henni af hættu að hún yrði bara troðin undir og á Karl Johan var ég með þau hvort undir sínum handleggnum.

Emma fékk nottla gríðarlega athygli og þá meina ég gríðarlega. Við komumst varla nokkur skref áður en fólk stoppaði okkur til að klappa Emmu og taka myndir.

Hér eru svo fleiri myndir frá deginum.

Það eru svo miklu fleiri myndir hérna :)

Ég fylgdi svo Ingvild heim áður en ég tók t banann heim.

Nú erum við öll uppgefin, en í kvöld verður bara grískulærdómur og meiri afslöppun.

Chihuahuaganga í grenjandi rigningu

2010-05-16T15:41:00.001Z

Það er alveg ótrúlegt hvað tíminn líður hratt. En á föstudaginn kíkti hún Miriam vinkona í heimsókn til mín og hjálpaði mér að útbúa lestrarplan fyrir næstu daga. Ég hef reyndar ekki fylgt því alveg 100% en er komin ágætlega í gang með að lesa undir grískuna. Fyrsta heimaprófið mitt fæ ég svo á föstudaginn og ég vona að ég komist fljótt í gang með það svo það verði minna stress þegar stelpurnar koma. Í dag er einungis vika þangað til Kristín kemur með Ísey ltilu, eða Lilo eins og hún á að heita á nýja heimilinu. Fjóla kemur svo á þriðjudeginum og vá hvað ég hlakka til að hitta hana!! Það er komið næstum 1 og hálft ár síðan við sáumst síðast, pælið í því!

Ég vona að allt gangi vel með innflutninginn á Ísey, við þurfum að sjá til þess að allir pappírar séu í lagi og leyfið þarf að koma í næstu viku, en Safiyya, verðandi eigandi Íseyjar, ætlar að hringja og ýta á eftir því á þriðjudaginn. Safiyya kemur frá Texas og ég hef spjallað heilmikið við hana bæði í síma og hitt hana og lýst mjög vel á hana. Við ætlum að halda sambandi og ég mun passa Lilo fyrir hana meðan hún fer til Bandaríkjanna í brúðkaup hjá bróður sínum. Þá verður stuð hér á bæ! Vonandi næ ég að dofla hana til að passa hann Fróða minn í staðinn þegar ég kem heim í júlí.

Í dag fór ég svo í Chihuahua hitting í Bærum, þrátt fyrir grenjandi rigningu. Við vorum fjögur sem mættum, samtals fjórir hundar. Við fórum í alveg rúman klukkutíma labbitúr og Emma var alveg þrældugleg að labba. Ég tók örfáar myndir, enda rigndi einsog hellt væri úr fötu og ekki beint myndaveður.

Við rákumst á frosk á leiðinni sem Timmy þótti voða spennandi :)

Við vorum auðvitað öll blaut inn að beini þegar við skriðum innum dyrnar hérna heima og bæði Fróði og Emma búin að sofa síðan. Í kvöld tekur við grískulærdómur og smá afslöppun, en ég er bara gjörsamlega búin á því eftir þessa göngu!

Á morgun er 17 maí, sem er þjóðhátíðardagur Norðmanna svo ég kíki niður í bæ með voffana um ellefu leytið þar sem ég hef mælt mér mót við Ingveld, bekkjarsystur mína. Vonandi verður betra veður, en myndavélin verður allavega með í för :)

Uppstigningardagur

2010-05-13T20:14:00.000Z

Í dag fór ég í heimsókn til Camillu minnar en ætlunin var að fara í göngu með voffana og glugga svo kannski aðeins í bækurnar. Veðrið var hins vegar ekkert sérstakt og við hálf rotaðar af frjókarnaofnæmi svo við gerðum hvorugt! Í staðinn kjöftuðum við á meðan hundarnir léku sér á stofugólfinu. Emma var auðvitað himinlifandi að hitta vinkonu sína aftur en Fróði prins sveiflaðist milli þess að leggjast flatur fyrir henni og sýna henni tennurnar. Það gekk samt bara furðuvel og þau léku til og með. Merkilegt að sjá Fróða samt leggjast flatann á bakið fyrir Fríðu og sleika hana í framan, einungis augnablikum áður eða eftir að hann urrar á hana! Ég tók nokkrar myndir til að deila með ykkur :D

Fróði og Fríða kyssast

Aumingja Fríða hárreitt af litla Chihuahua skrímslinu :p

Hópmynd (sem Fróði eyðilagði með því að loka augunum)

Fríða sæta orðin 7 mánaða og 16 kíló

Vinkonurnar í smá leik

Dúllurnar

Fríða í greiðslu hjá Camillu, en hún fær þvílíka flóka í feldinn greyið

Svo fékk Emma klór á magann hjá Torje sínum, en hann er í sér uppáhaldi hjá henni

Fleiri myndir er að finna hér.
Ég er annars svo ánægð hvað það gengur vel að hafa Fróða og Emmu saman, Fróði er mun glaðari eftir að hún kom og þau geta leikið saman endalaust að því er virðist. Ég smellti nokkrum kúrumyndum af þeim og læt eina hingað inn:

Það eru svo fleiri kúrumyndir hér

Í kvöld kíkti svo Miriam til mín og við fórum í labbitúr hérna í hverfinu. Það var rosalega notalegt og veðrið milt og gott. Ég sagði henni hvað ég hef verið stressuð undanfarið og átt erfitt með að læra undir prófin. Hún ætlar að koma til mín á morgun og hjálpa mér að útbúa einhverskonar lestrarplan fyrir næstu daga og ég er mjög þakklát fyrir það.

Annað áhyggjuefni er hann Fróði minn, en ég er í vandræðum með að finna pössun fyrir hann í júlí á meðan ég fer heim í tvær vikur. Það flækir málin að Fróði getur ekki verið einn heima og því ekki á færi hvers sem er að passa hann. Mamma var að tala um að breyta flugmiðanum mínum og stytta heimsóknina í eina viku, en mig langar svo að geta veirð heima lengur en það. Svo ég væri mjög þakklát ef þið vilduð biðja fyrir að ég finni lausn á þessu og það sem fyrst!

Ég hef þetta ekki lengra í bili en vonandi verð ég duglegari að læra á morgun en í dag :p

Sýningarþjálfun

2010-05-12T08:45:00.000Z

Það má segja að ég hafi átt viðburðarríkan dag í gær, en hann hófst á fundi með Safiyyu Wirther, verðandi eiganda hennar Geisla Vonar Íseyjar sem nú hefur fengið nafnið Lilo. Safiyya kemur frá Texas en við hittumst á kaffihúsi niðri í bæ. Þar sátum við svo í þrjá tíma og spjölluðum! Núna verðum við bara að redda öllu með innflutninginn í tæka tíð svo hún Kristín mín komi nú með Ísey litlu eftir bara eina og hálfa viku! Ég bara trúi varla að það sé svo stutt í að Kristín og Fjóla komi til mín í heimsókn!
Eftir þennan fund fór ég heim og gerði mig klára fyrir sýningarþjálfun með Emmu. Planið var að Fróði yrði hjá Camillu á meðan, en þar sem Frida er með smitandi sýkingu í auganu gekk það ekki og prinsinn minn þurfti að vera einn. Ég hélt ég yrði komin aftur eftir 2 tíma, en þeir urðu fjórir svo ég bað nágrannastelpu um að fara í göngutúr með hann fyrir mig. Hann var svo mjög stressaður þegar ég kom heim, en hafði ekki eyðilagt neitt fyrir utan nokkrar rispur á hurðinni sem hann hefur klórað í. Ég ætla að prófa að hafa hann einan aftur fljótlega, en bara í mun styttri tíma og ég vona að þessir fjórir tímar hafi ekki valdið bakslagi hjá honum.
Annars var mjög gaman á sýningarþjálfuninni sem var haldin í garðinum hjá einni úr tjúadeildinni. Þarna voru örugglega um 20 tjúar og mikið stuð. Emma var gjörsamlega að tapa sér í fjörinu og virtist óþreytanleg, hljóp í hring eftir hring og lék sér við hina tjúana alsæl. Eldri tík var svo með kjaft við hana og Emma svaraði fullum hálsi svo úr varð pínu slagur!!! Einhver benti mér á að litli hvolpurinn minn væri kannski pínu dóminant :p Já það verður fjör hjá okkur næstu mánuði ég segi ekki annað! En þjálfunin gekk nokkuð vel, sérstaklega seinni partinn því þá var Emma búin að fá út soldla orku og var þess vegna ekki eins áhugasöm um að leika við hina hundana frekar en að ganga fínt í taumnum. Borðþjálfunin gekk líka bara vel. Henni fannst þetta ekkert gaman og ég þurfti að hafa mikið fyrir að halda skottinu hennar uppi en hún lét sig hafa það og var nokkuð góð í tannskoðuninni líka. Hún sýnir sig annars rosalega vel, er ofboðslega stolt og strækar svaka pósur án þess einu sinni að ég þurfi að gefa skipun :) Ég hlakka mikið til að sýna lengjuna mína næst þegar færi gefst :D
Í dag er prófalestur og vinna á dagskránni og vonandi get ég verið ofur effektív!

Loksins komin aftur

2010-05-08T14:14:00.002Z

Eg akvad ad flytja mig hingad aftur, tar sem eg var oanægd med hitt bloggid einsog vanalega :p En eg mun setja sidu inna heimasidunna mina sem mun beina ykkur beint hingad svo tad er ekki jafn mikid flakk og vesen og venjulega. Tetta er svona desperate tilraun til ad koma mer aftur i gang med ad blogga. Eg vona tid seud ekki bara buin ad gefast uppa mer. En eg set tilkynningu a fesid hvert sinn sem eg set inn færslu og tar verdur beinn linkur hingad :D

Timinn lidur svo hratt nuna tvi profin eru ad nalgast. Fyrir mikla nad og miskunn hef eg fengid leyfi til ad taka heimaprof i tveim af føgunum, en ta skrifa eg 4000 orda ritgerd sem eg hef viku til ad ljuka vid. Fyrsta profid/ritgerdarverkefnid fæ eg 21 mai, og tarf tvi ad skila tvi 28 mai. Eg verd tess vegna ad vinna i tvi tegar stelpurnar koma i lok mai. Næsta verkefni fæ eg 31 mai, daginn sem Fjola fer, og skila tvi inn 7 mai. Eg er tvi allavega i frii Eurivision helgina :D Einungis tveim døgum eftir ad skila inn seinna verkefninu tekur vid griskuprof tann 9 juni. Eg er tess vegna ad læra undir tad nuna. Eg held eg hafi aldrei verid jafn illa stødd namslega og tennan vetur samt. Hef verid ad kljast vid sterkan kvida og tessi ønn hefur verid verulega erfid. Eg vona bara ad eg nai tessum profum og hlakka til tegar tetta verdur allt yfirstadid.

I dag er yndislegt vedur uti og eg er føst i tungu lofti og leidindum i tøskubudinni allan lidlangann daginn. Eg hef soldlar ahyggjur af vinnunni framundan, enda tyrfti eg ad vera i frii a medan a profunum stendur, eg bara veit ekki hvernig tad a ad ganga upp :( Tad er alltof mikid alag a mer, hef gridarlegar ahyggjur af naminu og fjarmalum og eg er svooo treytt.

Nanasta vinkona min herna uti hefur verid ad kljast vid mjøg alvarleg andleg veikindi og mer finnst eg bara einangrast meir og meir. Tad er svo engan veginn sjalfsagdur hlutur ad hafa fjølskyldu og vini innan kallfæris, eda ad borda ekki allar sinar maltidir einn fyrir framan sjonvarpid.

Svona ti lad enda tetta blogg a ljosari notum ta gengur mjøg vel med Emmu litlu sem er ordin hushrein og er svo yndisleg og skemmtileg mømmustelpa. Hun og Frodi eru rosa godir vinir, eiga til ad kita ødru hvoru audvitad, en semur annars alveg einstaklega vel. Mig langadi rosalega ad syna Emmu a Chihuahuarasespesialen her i mai, en tad er i midri profatørninni svo tad gengur tvi midur ekki :( En eg hef skrad okkur a syningartjalfun engu ad sidur og hlakka mikid til ad fara a hana næsta tridjudag :)

Nóg að gera

2009-09-22T19:44:00.002Z

Já það er kannski komið nóg af þessu bloggsvelti. Eins og vanalega get ég ekki sagt að mér leiðist, enda nóg að gera í námi og vinnu. Ég gaf mér þó tíma til að fara á föndurkvöld á laugardagskvöldi, milli vinnu og prófalesturs og það var mjög gaman. Miriam og Vibekke, dýralæknanemi voru á svæðinu og svo annar dýralæknir og maðurinn hennar, hjúkrunarfræðinemi og að lokum vinur hennar Vibekke. Já og Fróði. Við borðuðum köku og föndruðum alls kyns listaverk. Dagurinn í dag var ósköp venjulegur. Examen Facultatum fyrirlestur frá 9-11, svo próflestur og próf frá 12-14. Þarnæst 30 mínútna samtal við tryggingarsölumann hjá Vis Agria, sem ég keypti tryggingu hjá handa Fróða sem ég er mjög ánægð með. Þvínæst töskubúðin, taka upp vörur, selja, þrífa, uppgjör, loka búðinni og heim með tvo fulla matarpoka úr Meny.

Á morgun er grískuheimalærdómur, grískutími, lestur fyrir ExFac og svo heimsókn til Camillu og að lokum vinna og skóli á fimmtudag og föstudag. Í öðrum orðum nóg að gera. Sem er bara ágætt, þá líður tíminn hratt og fyrr en varir verð ég komin heim á klakanna í heimsókn. Ég hlakka þó til helgarinnar, sem er ótrúlegt en satt, ennþá laus, þá er spurning hvað við Fróði gerum af okkur :p

Fróði er ekki með PRA! :)

2009-08-31T16:59:00.002Z

Ég fór til dýralæknis í dag og eftir rúmlega þriggja tíma bið á biðstofunni komumst við Fróði að hjá augnlælkninum. Ég lýsti því hvernig Fróði hefur verið undanfarið, tregur að labba niður stiga, setjast í göngutúrum og hoppar ekki uppí rúm sjálfur. Hún skoðaði hann alveg rosalega vel, bæði augun og þreifaði allan kroppinn, lét hann labba upp og niður stiga og teygði á honum í allar áttir. Niðurstaðan úr augnskoðuninni sjálfri var afar góð! Fróði er ekki með PRA! Allt leit rosalega vel út, og ekkert virðist ama að augunum hans :) Það var samt önnur saga þegur hún athugaði fram og afturfæturna. Fróði kenndi greinilega til þegar hún teygði á þeim og þá sérstaklega í framfótunum. Hnéskeljarnar sátu fastar á sínum stað, en eitthvað gæti verið að liðamótunum. Dýri vill að ég komi aftur með hann og láti mynda mjaðmir og axlir til að komast til botns í þessu. Hún vildi þó ekki meina að þetta þyrfti að vera eitthvað alvarlegt, þar sem viðbrögðin hjá Fróða voru ekki ýkt. En hann hefði ekki átt að finna neitt til svo greinilega er eitthvað ekki einsog það á að vera. Ég þarf því að panta tíma aftur hjá dýra í mjaðma og axla myndun, en fyrst ætla ég að athuga hvort ég geti fengið hann tryggðan, þetta er ekki svo aðkallandi að hann þurfi að fara í myndatöku strax á morgun þannig að það ætti að vera í lagi að bíða í nokkrar vikur og fylgjast með honum. Dýri kom nú ekki með neinar uppástungur hvað þetta gæti verið en manni grunar helst gigt eða eitthvað í þá áttina, en ég bara veit það ekki???
Það er allavega á hreinu að Fróði fer ekki aftur í hundafimina í bráð og óvíst að hann geti stundað hana aftur :( En við finnum okkur bara eitthvað annað í staðinn, hundadans eða eitthvað þar sem ég er með svo góða samhæfingu :þ

Ég kem heim í október!!!

2009-08-28T11:28:00.003Z

Það er nottla bara alltof langt síðan ég bloggaði síðast! Ég biðst afsökunar, en ég hef haft í nógu að snúast með skóla og vinnu síðustu daga. Sem betur fer hef ég nú fengið námslánið mitt og hef verið ansi dugleg að strauja kortið síðustu daga. Borga reikninga, leigu, tösku fyrir Fróða og ýmislegt annað. Það síðasta var hins vegar flugmiði til Íslands 21-28 október! Arna benti mér á að það væru nokkrir miðar í boði í október á 1000 krónur norskar báðar leiðir og ég bara stóðst ekki mátið! Ég missi reyndar af nokkrum fyrirlestrum, en bækurnar verða í farangrinum svo ég verð að glugga soldið í þær heima. Ég er rosalega spennt og hlakka svo til að hitta ykkur öll heima á klakanum, knúsa mömmu og pabba og fara í göngutúr með Kristínu minni og

ég veit ekki hvað!!!

Tíminn verður eflaust fljótur að líða þangað til enda aldeilis nóg að gera í skólanum, töskubúðinni og íslenska söfnuðinum. Mér líst bara vel á þessa önn, hún er þyngri og meira krefjandi en síðasta ár, en þannig á það líka að vera og ég er staðráðin í því að standa mig vel. Ég mun hinsvegar nota restina af deginum í dag í þrif hér heima sem er vægast sagt þörf á! Ég fer svo að vinna á morgun og sunnudagurinn verður vonandi notaður í lestur, ég er pínu eftirá enda fékk ég ekki bækurnar fyrr en í gær og vantar enn nokkrar.

Á mánudaginn fer Fróði í augnskoðun þar sem ég vil athuga hvort hann sé nokkuð með PRA. Eins og sum ykkar vita hefur hegðun hans inni og úti breyst síðustu vikur og mánuði og ástæða til að gruna það orsakist af sjóndepru. Ég veit að þið biðjið fyrir þessu, ég er nokkuð kvíðin en reyni að undirbúa mig að takast á við niðurstöðurnar.

Ég er svo að vinna í þessu með að setja myndir hér á bloggið, þær koma von bráðar :þ

Skólinn byrjaður

2009-08-18T20:35:00.005Z

Skólinn byrjaði í dag og það var pínu stress en gekk bara vel. Ég kannaðist við sum andlitin en það voru líka nokkur ný. Á morgun verður skrautlegur dagur því ég þarf að mæta á kynningar dag frá 9 til 4 í Holmenkollen kapellu. Fróði verður með í töskunni þar sem ég hef ekki fengið pössun fyrir hann og vonandi gengur það upp. Ég fer svo beina leið í töskubúðina að vinna kvöldvakt. Yfirmaðurinn minn vildi líka að ég kæmi að vinna á fimmtudagsmorgun sem ég sagðist ekki vita hvort ég gæti það því ég veit ekki ennþá hvenær ég eigi að mæta í skólann á fimmtudag. Það orsakast af því að ég hef ekki getað skráð mig í skólann ennþá því ég bíð enn eftir að námslánin komi inn á reikninginn mín. Þess vegna er ég núna alveg staurblönk og á ekki fyrir nokkrum sköpuðum hlut fyrr en millifærslan kemur í gegn. Það verður hins vegar líklegast ekki fyrr en eftir helgi. Ég er bara uppgefin og þoli ekki þessar fjárhagsáhyggjur og óöryggi. En þetta tekur vonandi enda fljótlega, á von á bæði láninu og launum í þessum mánuði sem betur fer.

Ég kem heim um jólin :)

2009-08-12T09:55:00.002Z

Ég ætlaði nú bara að láta vita af því að mamma og pabbi eru búin að kaupa fyrir mig miða heim 20. des til 8.jan!!! Ég er alveg í skýjunum og get ekki beðið eftir að sjá fjölskylduna mína, vinina og landið mitt aftur :)

Viðburðarrík helgi

2009-08-11T18:36:00.002Z

Camilla var veik á laugardaginn svo ekki varð úr Tusenfryd ferðinni, en í staðinn horfðum við á Pan's Labirynth í nýja flatskjánum í nýju íbúðinni þeirra Camillu og Torje. Eftir myndina, sem var fremur dimm og óhugguleg tók ég síðasta banann heim. Ekki vildi betur til en svo að hann keyrði bara til Stortinget og allir aðrir banar, lestir og strætóar hættir að ganga. Ég var því strönduð niður í bæ um eittleytið á aðfaranótt sunnudags. Ég hringdi í Camillu sem fann útúr því að allra síðasta lest kvöldsins stoppaði ekki langt frá henni svo ég rétt náði henni tíu mínútur yfir eitt. Camilla og Torje náðu svo í mig á lestarstöðina eftir þessa mislukkuðu heimferð og ég gisti því á sófanum þeirra. Á sunnudeginum fórum við á Ísöld 3 í þrívídd, eftir að hafa komið Fróða fyrir í pössun hjá mömmu Camillu. Myndin var mjög skemmtilegt og svaka flott að sjá fígúrurnar hoppa út úr skjánum. Á mánudeginum var svo allsherjar tiltekt hér í kotinu og ég var hreinlega uppgefin þegar öllu var loks lokið. Í dag tók heldur engin afslöppun við þar sem ég fór til hennar Klöru að þrífa og beint þaðan niðrí bæ þar sem ég hafði mælt mér mót við Camillu. Ég fór með henni að versla skólabækur, þetta var heill hellingur og ég kvíði fyrir að sjá hversu mikið ég þarf að kaupa. En ég fæ það vonandi notað. Ég dreif mig svo heim til að taka á móti Elínu sem kíkti í heimsókn. Hún er komin aftur í bæinn eftir sumar hjá fjölskyldunni í Stavanger og er flutt í göngufjarlægð frá mér. Það var frábært að hitta hana aftur og ég bakaði svaka góða pizzu handa okkur. Á morgun fer ég svo með litla dýrið í pössun til Camillu þar sem hann verður væntanlega til föstudags. Ég þarf að vinna svo mikið næstu daga að það tekur sig ekki fyrir mig að ferðast alla leið til hennar og ná í hann bara svo hann sé hjá mér yfir nóttina. Það verða því tvær einmannalegar nætur, en það verður fljótt að líða. Um helgina er svo hundasýning hér í Osló sem ég ætla að skella mér á, þ.e. ef ég finn bólusetningarvottorðið hans Fróða í tæka tíð, en það má gera ráð fyrir að ég þurfi að sýna það til að komast inn með hann.

Hef þetta ekki lengra í bili og bið ykkur vel að lifa.

Tusenfryd um helgina

2009-08-06T21:49:00.004Z

Ég var að vinna í íslenska söfnuðinum í dag og töskubúðinni í kvöld. Arna kom á skrifstofuna í stutta stund og ég sagði henni að ég væri að spá að fara í djáknanámið í MF, hún sagði mér nú að drífa mig í prestinn frekar uppá að hafa fleiri atvinnumöguleika og öruggari tekjur. Ég ætla að sjá til en prestsnámið er einu ári lengra en djáknanámið. Annars kom gaur í vinnuna til mín í dag sem vildi bjóða mér út og var frekar ágengur. Ég asnaðist til að láta hann hafa símanúmerið mitt en ég vona að hann láti mig vera. Væri þakklát ef þið vilduð biðja fyrir því. Annars hef ég fengið að taka með Fróða í vinnuna núna, sem er frábært. Eigandinn hefur samt enn ekki gefið leyfi, en ég á eftir að tala við hann. Í næstu viku verður svo Camilla með hann þegar ég er í vinnunni svo hann verður í rosa dekri. Á morgun er meiri vinna en á laugardaginn ætlum ég og Camilla í Tusenfryd ef það verður gott veður. Ef veðrið svíkur okkur förum við frekar á kaffihús og svo í bíó, annað hvort á Public Enemy eða Ísöld 3 í þrívídd :)

Kvöldfærsla

2009-08-04T23:05:00.002Z

Ég er á leið í háttinn en vildi bara henda inn einni færslu fyrst. Ég er búin að vera að stússast í dag og hringja í bankann að millifæra peninga svo ég geti borgað leiguna sem ég átti að borga á mánudag. Þetta tekur heila eilífð hjá þeim og verður væntanlega ekki komið inn fyrir helgi! Þvílíkt vesen eins og vanalega og eilíft stress fyrir mig. Ég þarf svo að hringja í LÍN og bankann aftur á morgun til að ganga frá þessu með að fá fyrirframlán. Ég er að vinna næstu þrjú kvöld og því miður er Camilla að vinna á sama tíma svo ég hreinlega veit ekki hvað ég á að gera varðandi Fróða. Veit ekki hvort eitthvað hefur breyst í því að ég megi taka hann með eða hvort ég þurfi að skilja hann eftir einan heima. Þetta hvílir allt þungt á mér. Ég get ekki lýst því hversu erfitt það er að vera með hund sem er haldinn aðskilnaðarkvíða. Ég kvíði nær öllu núna, get ég haldið áfram að taka Fróða með í skólann, hvað með í sunnudagaskólann, íslenska söfnuðinn..... Mínar nánustu vinkonur hér úti eru nú farnar heim, sem betur fer er Camilla þó enn hér. En ég upplifi núna meira en nokkru sinni áður hversu ein ég er og það er erfitt. Mér finnst ég svo hjálparlaus og ég verð líka reið útí Guð, þó Hann hafi verið mér svo góður, vegna þess að Hann hefur ekki svarað bænum mínum að lækna Fróða af aðskilnaðarkvíðanum og ég hef misst alla von. Ég hreinlega veit ekki hvað ég á að gera því ég elska Fróða og get alls alls ekki hugsað mér lífið án hans, en ég höndla bara ekki þennan aðskilnaðarkvíða hjá honum mikið lengur.

Hafið okkur í bænum ykkar.

Dagur í hundagarðinum

2009-08-01T19:04:00.002Z

Jæja, ég hef ákveðið að reyna að vera duglegur bloggari þó að lítið sé um að ég fái einhverjar athugasemdir. Kristín fór heim í gærkvöldi og ég fylgdi henni útá völl. Það var leitt að þurfa að kveðja hana en alveg yndislegt að hafa hana í heimsókn. Ég er rosa þakklát fyrir að hún kom og við áttum svakalega góðan tíma saman. Við vorum duglegar að kíkja í gæludýraverslanir og fatabúðir síðustu daga og ég keypti mér meðal annars rosa fínar gallabuxur á meira en 70% afslætti í Sizzi sem er ein uppáhaldsbúðin mín hér úti. Mamma sendi mér sms á fimmtudaginn að ég væri að fá 125 þúsund endurgreiddar fá skattinum heima sem er nottla alveg frábært. Ég átti alls ekki von á að fá svona mikið, en um leið og ég er þakklát, get ég ekki annað en hryggst aðeins við það að þetta eru einungis um 6 þúsund norskar krónur einsog gengið er í dag :( Mamma og pabbi ætla samt að hjálpa mér að borga leiguna nú í ágúst og ég er þakklát fyrir það líka. Ég hafði kviðið soldið fyrir deginum í dag, því nú erum ég og Fróði svotil alein eftir. Kata er farin heim og það var sorglegt að þurfa að kveðja hana. Það er búið að vera svo yndislegt að hafa hana svona nálægt mér og við hittumst nær daglega svo það eru mikil viðbrigði að hún sé farin. Ég er ofsalega fegin þó að hafa Camillu, við ætlum að hittast á morgun, en hún er búin að vera á haus að flytja í nýju íbúðina. Í dag var rosalega gott veður og ég dreif mig með Fróða í hundagarðinn í Vigelandsparken. Það var mjög gaman og ég hef sjaldan séð Fróða skemmta sér jafn vel. Hann kynntist þarna 3 ára geldum JRT sem heitir Amigo og þeir urðu strax perluvinir. Eftir að hafa þekkst í minna en 10 mínútur kom stór svartur hundur og hljóp beint að Amigo som kveinaði hástöfum af hræðslu. Fróði var ekki lengi að koma vini sínum til bjargar og hljóp geltandi að stóra hundinum og stillti sér upp við hliðina á Amigo. Eftir það voru þeir orðnir dúó og gerðu allt saman. Ef Amigo gelti gelti Fróði og öfugt og saman fóru þeir og heilsuðu uppá alla nýju hundana í garðinum. Amigo er rosa góður, hann er svaka orkubolti en hafði áður verið ómögulegur með öðrum karlhundum. Lenti sífellt í slag og gat ekki verið laus á hundasvæði. Eftir geldinguna varð hann annar hundur og honum og Fróða samdi alveg ótrúlega vel. Ég spjallaði heillengi við eiganda hans sem er stelpa á aldur við mig. Hún sagðist oft koma í garðinn og ég vona ég hitti aftur á hana fljótlega. Ég ætla að vera duglegri að fara með Fróða í garðinn núna þar sem það lífgaði svona hressilega uppá hann. Fróði er búinn að vera óvenju þungur undanfarið og ég veit hann hefur sárlega vantað félgaskap annarra hunda svo ég er rosa fegin að hann hitti Amigo. Fróði er reyndar ótrúlega góður í garðinum og hefur hingað til ekki farið í slag eða verið með derring við neinn. Geltir bara á suma af stóru hundunum en er annars duglegur að lúffa fyrir tíkum jafnt sem rökkum.
Á morgun fer ég að þrífa forlagið og kíki svo til Camillu í nýju íbúðina. Ég fer svo að vinna eitthvað í töskubúðinni í næstu viku, en verslunarstjórinn ætlar að sjá hvort hún geti fengið verslunareigandann til að leyfa mér að hafa Fróða.

Ískaldur sundsprettur í Steinburvatni

2009-07-28T20:26:00.004Z

Við Kristín skelltum okkur niður að Steinbruvatni í dag í sólinni. Við hentum okkur útí vatnið sem var heldur kalt, en einsog sannir Íslendingar létum við það ekki aftra okkur. Við busluðum í vatninu í tæpar 20 mínútur!

Kristín að koma uppúr ísköldu vatninu

Fróði og Kristín

Kristín fær koss

...og kossaflensið heldur áfram

Fróði í nuddi

Kóngurinn sjálfur

Mússimús

Kristín pæja

Nautnaseggurinn í hárreytingu

Við vinkonurnar

Við kíktum auðvitað í dýrabúð á leiðinni og ég keypti svaka flottann hermannaregnjakka handa Fróða töffara. Á leiðinni heim kíktum við svo í verslunarmiðstöð í Stovner þar sem ég keypti mér leggings og Kristín verslaði líka hitt og þetta. Þegar við komum svo heim elduðum við mexíkanska kjúklingaréttinn og átum með góðri list.
Á morgun þarf ég að vinna í töskubúðinni á meðan Kristín verður að túristast ein í Osló. Ég held hún bjargi sér nú alveg með það, enda hefur hún Fróða með sér til að vísa sér veginn......að næsta tréi til að míga á!

Kristín er í heimsókn :)

2009-07-27T18:15:00.002Z

Ég er búin að hafa það mjög gott síðustu daga enda er hún Kristín vinkona í heimsókn hjá mér! Við erum búnar að bralla ýmislegt síðan hún kom á föstudagskvöld síðastliðið. Á laugardeginum tókum við strætó til Råde þar sem við kíktum á hundasýningu. Það var mjög gaman þrátt fyrir rigningu og auðvitað smellti ég af nokkrum myndum.

Kristín lét prenta þessa flottu mynd aftan á hettupeysuna sína fyrir 50 krónur.

Ég þurfti auðvitað að gera slíkt hið sama!

Kristín sæta í rigningunni

Fróði var aðeins að misskilja hvernig þessi regnhlíf ætti að virka.

Svaka fallegur Papillon

Ég var ekki alveg viss hvort þetta ætti að vera hestur eða hundur.

Tveir sætir Cavalier hundar létu fara vel um sig í þessari kerru.

Þessi sæta tíbbastelpa var bara 10 vikna og alger draumur. Svakalega róleg og góð, alveg einsog Fróði þegar hann var hvolpur, ég var alveg veik.

Við heilsuðum uppá þessa litlu tík og eigandann hennar. Hún er af tegundinni tékkneskur rottuhundur. Svakalega falleg og skapgóð og vóg aðeins 1700 grömm!

Í gær fórum við svo í göngutúr í Vigelandsparken í rosalega góðu veðri. Kristín var með myndavélina sína og tók nokkrar myndir í garðinum, sem ég ætla að fá hjá henni fljótlega. Það var rosa fínt og við stoppuðum lengi á hundasvæðinu þar og Fróði fékk að leika við ófáa smáhunda. Í dag var svo farin verslunarferð í rigningunni, en við erum komnar heim núna og ætlum að hafa það gott í kvöld, spila á spil eða glápa á imbann :)

Korsvei og Harry Potter

2009-07-20T12:23:00.004Z

Ég er nú komin aftur í siðmenninguna eftir 5 nætur í tjaldi í fallegum dal í Seljord. Mótið var mjög skemmtilegt, alveg hellings dagskrá allan tímann og það var sérlega gaman að aðal fyrirlesaranum, Shane Claiborne.Hann talaði meðal annars um samfélagið sem hann hefur stofnað í fátækrahverfi Philadelfiu þar sem hann og trúsystkini hans búa og reyna að lifa eins og meðlimir frumkirkjunnar.

Hann er mjög skemmtilegur náungi og gaman að heyra hann tala. Hann hefur meðal annars skrifað bókina "Jesus for president" Þetta er virkilega áhugaverð og skemmtileg bók sem ég mæli með að þið lesið. Í bókinni fer Shane í gegnum sögu Biblíunnar þar sem hann leggur áherslu á hvaða stefnur Ísraels fólki og Guðs fólki er fyrirskipað að taka í efnahags og utanríkismálum og ber saman við hvernig þessum málum er háttað í USA í dag. Það var annars hellings prógramm á mótinu og svakalega skemmtilegar morgun Guðsþjónustur og kvöldvökur. Aðaldagskráin var í sirkhústjaldi og það varð eins konar þema mótsins. Það voru trúðar, sirkúrslistamenn og látbragðsleikarar sem tóku m.a. þátt. Virkilega frumlegt og skemmtilegt. Á hverju kvöldi var svo leikþáttur sem skipt var í 5 þætti, semsagt einn á hverju kvöldi. Henriette vinkona lék eitt hlutverkanna og næst síðasta kvöldið fékk Fróði að taka þátt!!! Hann var borinn inn í handtösku og svo var hitt og þetta týnt uppúr töskunni áður en Fróði hoppaði svo uppúr öllum að óvörum. Þetta vakti mikla lukku og allur salurinn (3000 manns) klöppuðu og flautuðu fyrir honum. Fróði skildi ekki hvaða læti þetta voru, en var fljótur að sætta sig við þessar móttökur. Hann öðlaðist gríðarlega frægð og við fengum varla að vera í friði það sem eftir var mótsins því að allir flykktust að til að fá að klappa stórstjörnunni og gefa henni nammi. Kata tók flestar myndirnar af hátíðinni svo ég set þær hingað inn um leið og ég fæ þær í hendurnar. Hún er núna farin út á land að heimsækja vinkonu sína en kemur aftur í vikunni. Ég hef þó ekki verið iðjulaus síðan ég kom heim, en í gær fór ég með Kötu og vinkonu hennar á Harry Potter and the Halfblood Prince. Hún var rosalega flott og skemmtileg mynd svo ég var hæst ánægð. Ég fór svo í einhverja kvíðaflækju í gær og fór að hafa áhyggjur af peningum og vinnu og ég veit ekki hvað. En ég hef ákveðið að í vetur muni ég einungis vinna hjá íslenska söfnuðinum með skólanum, þ.e. svo lengi sem ég kemst upp með það fjárhagslega. Það eru ýmisleg verkefni í boði, m.a. sunnudagaskólinn hér í bænum og Frederikstad og svo er öllum leiðtogum kirkjunnar boðið á námskeið í Gautaborg í haust. Það verður rosa gaman og ég hlakka til. Í dag fer ég svo í Forlagið að þrífa eins og svo oft áður. Hér er bara skýjað og engin sól, júlímánuður hefur verið nær sólarlaus en ég vona að það breytist áður en Kristín kemur á föstudaginn! Ég hlakka rosa til að fá hana í heimsókn og hlakka til að fara með henni á stóra hundasýningu sem verður haldin næstu helgi.
Ég læt þetta duga í bili og set inn myndir við fyrsta tækifæri.

Fróði hveitibolla

2009-07-12T11:20:00.001Z

Í dag verður nóg að gera að þvo þvott og þrífa en ég og Kata höfum þó haft það notalegt síðustu daga þar sem við erum báðar atvinnulausar í júlí. Við bökuðum alveg fáránlega góða pizzu um daginn og auðvitað vildi Fróði ekki missa af neinu, heldur settist á fæturna mína beint undir borðinu. Hann fékk auðvitað sinn skammt af hveiti og var ekkert að hafa fyrir því að þurrka það af sér.

Annars var ég að heyra í Henriette sem er komin til Seljord þar sem Korsvei mótið verður haldið og ég hlakka til að hitta hana á þriðjudaginn :)

Myndir frá Nøklevann

2009-07-11T20:40:00.005Z

Hér koma enn fleiri myndir, kannski soldið random röð á þessu hjá mér, en þetta er frá ferð okkar Camillu til Nöklevann sem er um hálftíma labb þaðan sem hún býr á Böler. Þar er yndislegt að fara og synda í vatninu og sóla sig á bakkanum.

Fróði bjútí

Við vorum ekki þær einu að nýta okkur góða veðrið, en Norðmenn eru duglegir við að fara út í náttúruna við fyrsta sólargeisla.

Ein af Camillu í sólbaði.

Við Kata fórum svo að vatninu síðar í vikunni og það var mjög gaman.

Ég fyrir utan girðinguna þar sem þeir eru með geitur.

Fróði var alveg vitlaus í geiturnar, hafði ekki augun af þeim og vildi ólmur leika við þær

Fróði og nokkur leikskólabörn

Þær komu flestar og heilsuðu uppá Fróða, voru sko ekkert hræddar við hann og héldu alveg rónni.

Við fundum okkur fínan stein til að setjast á

Ég og Fróði búin að koma okkur fyrir

Þessar endur hættu sér mjög nálægt til að sníkja mat af okkur. Komu alveg uppá steininn til okkar, en sneru snögglega við þegar þær sáu Fróða

Kata í strandlakinu sínu

Þessir tveir sætu Japönsku spísshundar kíktu í heimsókn til okkar

Ég að synda

Kata í vatninu

Komin aftur

2009-07-11T20:18:00.003Z

Vúhú, mér tókst að finna leið til að hlaða myndum auðveldlega inná blogspot svo ég ætla að halda mig hér.
Eftir miklar pælingar hlóð ég niður picasa web album á tölvuna mína, en þaðan er hægt að velja myndir og ýta á "blog this" og þá birtast myndirnar hér! Ég er mjög sátt við þetta enda vesen að vera að flytja af blogspot.
Það eru ennþá þrír póstar inná www.123.is/helgakolbeins þannig að endilega kíkið þangað.
Annars gengur allt ágætlega, ég og Kata erum að fara á kristilegt mót á þriðjudaginn í Telemark og verðum þar í tjaldi í 5 nætur með Henriette, bekkjarsystur minni. Mótið heitir Korsvei enn aðal fyrirlesarinn er bandaríkjamaður sem m.a. skrifaði bókina Jesus for president.
Á morgun þarf ég að þrífa hér "heima" og í bókaforlaginu og þrífa föt fyrir ferðina. Á mánudaginn fer ég svo til Klöru til að hjálpa henni að þrífa.

Hér fylgja með myndirnar sem ég hlóði inn gegnum picasa. Þær eru frá því að ég og Kata fórum uppað Steinbruvatni í hitanum í síðustu viku. Hitinn var í 30 gráðunum svo það var notalegt að stinga sér í vatnið sem var bara 6 gráðum kaldara.

Fróði naut sín í sólinni

Ég að synda í vatninu

Nautnaseggurinn

Kata í sólinni

Við stöllurnar

Hendi inn fleiri myndum fljótlega. Hafið það gott.

Flutt aftur á 123.is í bili

2009-07-06T22:34:00.002Z

Ég er að prófa 123 kerfið aftur því það er svo tímafrekt að setja myndir hingað inn.
Kíkið á www.123.is/helgakolbeins

Fróði fær að koma með í vinnuna!!!

2009-06-22T16:15:00.002Z

Nú er ég flutt yfir í litla herbergið mitt hér í Berg þar sem ég mun vera næstu fjórar vikurnar. Ég deili eldhúsi og salerni með dýralæknunum tveim sem hér búa svo það ætti nú ekki að væsa um Fróða. Kata hjálpaði mér með flutningana í gær, sem betur fer! Þetta var rosa vinna en gekk vel enda lánaði Elsa okkur bílinn sinn til að fara með dótið á milli. Þetta er svoleiðis rétt hjá íbúðinni minni að það tekur innan við 5 mínútur að keyra á milli. Í gær og í dag hefur verið sól og geggjað sumarveður, næstum of heitt samt. Ég fór niður í vinnu í dag í töskubúðina til að athuga hvenær ég ætti að koma næst og hafði Fróða með. Linda, yfirmaðurinn, varð strax hrifin af Fróða og við fórum að spjalla. Ég var dauðfegin þegar hún sagði mér að ég fái einhverja aura frá búðinni um mánaðarmótin, enda vel þörf á því! Linda skrapp frá þegar Martine kom sem átti að vera með kvöldvaktina. Martine spurði mig hvort ég hefði spurt hvort Fróði mætti koma með og sagði ég ætti að spurja hana þegar hún kæmi til baka því þá gæti hún hjálpað mér að sannfæra hana. Þegar Linda kom aftur sagðist ég ætla að spurja hana að svolitlu. Ég byrjaði á að útskýra að Fróði ætti erfitt að vera einn heima og áður en ég náði að ljúka máli mínu sagði Linda: "Taktu hann með!" Ég átti ekki stakt orð. Fróði má bara vera með í búðinni og rölta þar um einsog kóngur í ríki sínu svo fremi sem hann merkir ekki inni! Ég er svo þakklát og ánægð að ég á bara ekki orð. Guð er svo stórkostlegur og hann hugsar fyrir öllu! Nú er ég komin í þá stöðu að ég hef úr svo mörgum vinnum að velja með skólanum þar sem ég mætti hafa Fróða að ég þarf að velja og hafna! Ég spjallaði svo aðeins við Örnu í dag þar sem hún var svona að kanna möguleikann hvort ég gæti eitthvað létt undir með þeim í söfnuðinum einn dag í viku með að svara í símann og svona. Ég sagðist vera til, en það á bara eftir að koma í ljós hvort af þessu verður.
Ég er núna á leið að sjóða mér pulsur hér á nýja staðnum enda löngu kominn tími á Middag!
Eigið góðan dag :)

Fyrsti vinnudagurinn

2009-06-19T10:16:00.002Z

Fyrsti vinnudagurinn er nú yfirstaðinn og brátt tekur annar við. Ég þurfti því miður að skilja Fróða eftir í búrinu áður en ég hélt í vinnuna þar sem engin pössun fékkst. Þetta gekk bara nokkuð vel þó ég ætti oft erfitt með að skilja yfirmanninn minn en hún kemur frá Gautaborg og talar þess vegna blöndu af sænsku og norsku með sænskum hreim. Ég fékk allsherjar kynningu á Samsonite ferðatöskum og Fericci handtöskum og Bjorn Borg bakpokum meðal annars. Ég var svoldið óörugg í fyrstu enda vissi ég ekki mikið meira en kúnninn um vöruna og Linda, yfirmaðurinn, var mjög ýtin að ég þyrfti að fara og selja strax. Um fjögurleytið fór hún þó og 18 ára stelpa tók við. Hún útskýrði allt betur fyrir mér og þannig að ég skyldi það og setti enga pressu á mig. Það fannst mér miklu betra og ég gat loks farið að slaka á og verða öruggari að tala við kúnnann. Við töluðum svo helling um Chihuahua þegar búðin var tóm, þar sem hana langar í einn svoleiðis. Við tókum svo sama strætó heim og ég hraðaði mér eins og ég gat heim til Fróða míns. Hann hafði auðvitað verið ofurstressaður og ég fór í labbitúr með hann. Í dag vaknaði ég snemma og er að þvo tonn af þvotti sem ég þarf að hengja út á snúru áður en ég fer í vinnuna. Ég er byrjuð að pakka fötunum mínum og öllu brothættu enda er ég að flytja úr íbúðinni um helgina þar sem dóttir Elsu og börnin hennar flytja inní hana í næstu viku. Það verður því nóg að gera um helgina þar sem ég þarf líka að þrífa í forlaginu. Ég var að senda uppsagnarmail rétt í þessu enda hef ég úr nóg af vinnum að velja með skólanum næsta haust.
Ég ætla að fara í labbitúr með Fróða aftur áður en ég fer, en ég hreinlega hata að þurfa að skilja hann eftir einan í íbúðinni, en það vill svo óheppilega til að enginn getur passað hann fyrir mig. Ég ætla að spurja yfirmanninn í dag hvort það sé möguleiki fyrir mig að hafa hann í bakherberginu þegar ég er á vakt. Þið megið endilega biðja fyrir að hún taki vel í það.
Hafið það gott i dag!

Komin með sumarvinnu :)

2009-06-15T16:45:00.002Z

Jæja, nú hef ég ekki bloggað almennilega í heila eilífð en betra er seint en aldrei. Ég fór í atvinnuviðtal í töskubúð í dag þar sem ég hafði áður skilið eftir ferilsrkánna mína. Eigandinn er sænsk og henni leist voða vel á mig og bauð mér strax vinnuna! Ég er rosalega ánægð og byrja á fimmtudaginn í opplæring. Ég kunni reyndar ekki við að spurja strax hvort Fróði mætti koma með í vinnuna, en þangað til verður hann í pössun hér og þar. Ég veit ekki hversu mikil vinna þetta verður, en ég ætti þó allavega að þéna nóg til að borga leiguna og eiga smá auka. Á morgun fer ég svo í annað atvinnuviðtal. Konan sem Kata er að vinna hjá sem svona einskonar félagslegur stuðningur (hún er fötluð) vantar einhvern til að leysa Kötu af þegar hún fer aftur til Íslands. Það er fín vinna og hún er hrifin af hundum svo Fróði fær að koma með. Ég ætla þess vegna að segja upp þrifa vinnunni minni í forlaginu á morgun og vinna þar bara fram að hausti. Í gær var ég svo að mála hundrað lítil andlit á þjóðhátíðarfögnuði Íslendinga í Noregi. Það var steikjandi hiti og ég fékk rosalegan sólsting, enda hafði ég ekki tíma til að fara inn og fá mér vatn.
Það er annars fátt fleira að frétta, nema ég og Elsa erum komnar með nýja þvottavél, enda var hin alveg hætt að þvo. Það verður svo nóg að gera þessa viku og næstu helgi flyt ég úr íbúðinni í herbergið hennar Miriam. Hún er farin heim til Trondelag en leigir annars herbergi í íbúð ekki langt undan með tveim ungum stelpum sem eru dýralæknar. Þær eru báðar mjög indælar og önnur þeirra á þrjá stóra hunda. Hún verður samt lítið heima svo það ætti ekki að vera vandamál með Fróða. Halla er farinheim og ég sakna þess að geta ekki hangsað með henni eða kjaftað við hana í símanum um allt og ekkert. En ég vona hún hafi það gott á Hólavatni. Hjalti bróðir útskrifaðist svo með BS í hugbúnaðarverkfræði á laugardaginn og ég er rosa stolt af honum. Ég lætþetta duga í bili en lofa að koma með frekari fréttir fljótlega!

Komin i sumarfri

2009-06-10T11:08:00.002Z

Vuhu, eg er buin ad taka profid og ta er fyrsta arinu i MF lokid. Eg held tetta hafi bara gengid sæmilega. Eg tok profid a norsku og hefdi eiginlega turft meiri tima tessvegna. Eg skrifadi 5 sidna ritgerd um innganginn ad romverjabrefinu, jibby. Soldid spes prof, en eg hafdi to allavega eitthvad ad segja.
Nu er eg i MF ad misnota adstodu mina og prenta ut ferilskrar i tugatali. Svo fer eg i budirnar ad snikja vinnu, soldid einsog a øskudaginn, nema eg held tad hjalpi ekki ad syngja.
Eigid godan dag og takk fyrir bænirnar.

Próf á morgun

2009-06-08T21:40:00.002Z

Ætla bara að skrifa hér örfá orð þar sem ég hef ekkert bloggað undanfarið. Það hefur vægast sagt verið vitlaust að gera hjá mér undanfarna daga og ég hef verið í endalausum próflestri. Ég fer í próf á morgun klukkan hálfníu úr nær öllu efni vetrarins og væri vel þegið ef þið vilduð biðja fyrir mér.
Lofa að koma með blogg aftur fljótlega, væntanlega annað kvöld.

Búin að skila verkefnamöppu!

2009-05-28T08:55:00.002Z

Jæja, þá er víst kominn tími að sinna þessu vanrækta bloggi mínu. Ég hef haft í nógu að snúast síðustu daga eins og alltaf. Á þriðjudaginn skilaði ég af mér verkefnamöppu sem gildir um 70% Henni átti að skila fyrir 2 og ég lenti nottla í vandræðum með prentarann og náði ekki að lesa almennilega yfir verkefnið og endaði á að ég þurfti að hlaupa í skólann! Vanalega er þetta svona 30 mín. labb og klukkan var hálftvö þegar ég fór að heiman. Ég hélt ég myndi deyja en ég var komin í skólann korter í 2 og náði að prenta út verkefnin í skólatölvunni með hjálp Camillu. Nú er bara að vona að ég fái eitthvað sæmilegt fyrir þetta því ekki veit ég hvernig fer með prófið. Á morgun fer ég að vinna sem sjálfboðaliði á Oslo Hundeshow sem er mjög stór hundafimikeppni sem haldin er árlega á vegum Stovner hundeklubb sem við Fróði þjálfum hjá. Um fjögurleytið fer ég svo með Kötu og Höllu uppí Norefjell þar sem verður fjölskylduhelgi á vegum íslenska safnaðarins. Við sjáum um að elda og vera með barnastarfið svo það verður fjör. Ég vona bara að ég geti komið próflestrinum að einhverstaðar. Daginn í dag þarf ég allavega að nýta vel. Í gær þreif ég allt hátt og lágt og hitti svo Höllu í Elkó þar sem ég keypti nýjan rouder fyrir netið og rosa góðan blandara á 299.
Svo bökuðum ég og Halla pizzu saman. Það gekk reyndar ekki áfallalaust þar sem okkur tókst að klúðra uppskriftinni fyrir deigið, en þetta slapp allt fyrir horn. Við fórum svo í labbitúr um hverfið mitt og fundum video leigu. Það er sko hægara sagt en gert í þessu landi. Þetta er önnur videóleigan sem ég hef komið inní síðan ég flutti hingað. Hún var reyndar rosa flott með hellings úrval af myndum, svona svipað og maður mundi sjá á Íslandi. Við Halla misstum okkur og leigðum 3, enda sú þriðja frí. Svo horfðum við á Revolutionary Road. Við enntumst þó ekki til að horfa á hana alla, því þó hún væri vel leikin og stútfull af fallegu fólki þá höfðu þau ekki mikið áhugavert fyrir stafni.
En nú þarf ég að kíkja í bækurnar. Eigið góðan dag.

Grand Prix og 17. maí

2009-05-19T18:16:00.006Z

Jæja gott fólk, þá er víst kominn tími á blogg. Ykkar viku/mánaðarlega fix, ekki satt :þ Þetta blogg á sér sterkan 3 manna aðdáendahóp sem missa ekki af færslu (þar af einn sem ekki kann að skrifa komment) og betra er að valda ykkur ekki vonbrigðum, kæru vinir. Ég átti alveg frábæra helgi. Á laugardeginum fór ég með Höllu heim til Miriam þar sem við horfðum á Grand Prix (Eurovision fyrir ykkur sem ekki eruð veraldarvön). Í laginu sem kom á undan norska laginu rofnaði útsending norska ríkissjónvarpssins og við sáum bara snjókorn. Það varð uppi fótur og fit og í snarræði skipaði ég Miriam að ná í tölvuna sína. Ég hakkaði mig inn í gagnabanka norska ríkissjónvarpsins svo við gátum horft á restina af keppninni á 13" fartölvuskjá. Þetta var að engu síður spennandi og ég tók að mér að benda á hversu hallærisleg flest lögin voru, fyrir utan Ísland auðvitað. Ég velti því reyndar fyrir mér í hljóði hversu margir bláir Ringneck páfagaukar hefðu látið lífið til að búa til kjólinn hennar Jóhönnu. Ég var svo alveg í skýjunum með úrslitin auðvitað og ætlaði varla að trúa því að við hefðum lent í 2. sæti. Hér er rifist um hvar eigi að halda Eurovision á næsta ári, en fólk er þó með þó nokkrar tillögur.
Á sunnudeginum fórum ég og Halla niður í bæ enda þjóðhátíðardagur Norðmanna. Þar voru tugþúsundir manna með fána og í norska þjóðbúningnum. Skrúðgöngur liðuðust niður Karl Johan meira og minna allan daginn, troðfullar af börnum og unglingum sem sungu "I'm in love with a fairytaile" við undirleik lúðrasveitanna.
Veðrið var einsog best verður á kosið, um 25 stiga hiti, heiðskýrt og sól.

Þetta er neðarlega á Karl Johan. Ég og Halla vorum bara einsog pulsur í brauði inní mannfjöldanum og flutum niður Karl Johan.
Á myndinni, ofarlega til hægri má sjá fólk á svölunum með fána.

Hér er Halla mínútu áður en hún var troðin undir af mannhafinu.

Ég held að náunginn við hliðina á henni hafi ekki verið sáttur við að sjá Íslenska fánann, allavega gaf hann honum hornauga

Við stöllurnar

Þessi sæta stelpa í þjóðbúning kom að heilsa uppá Fróða þar sem við lágum í sólbaði í Slottsparken, á meðan konungsfjölskyldan veifaði af svölum hallarinnar fyrir framan okkur.

Halla fánaberi

Ég og Fróði fyrir framan konungshöllina

Akerbrygga var troðin af fólki

Fróði fékk að vera fánaberi

Við rákumst svo á Kötu og félaga hennar úr Alfa hópnum. Kata var hæstánægð að hafa fengið tilefni til að nota húfuna sem hún saumaði.

Alfa hópurinn

Við príluðum uppá hæð hjá Aker Festning þar sem við gátum horft yfir alla Akerbrygge
Kata að taka mynd af mér

Það var bara þverhnípi fyrir neðan okkur, maður hefði örugglega verið um 5 mínútur að falla þarna niður til jarðar.

Halla sæta

Halla og Fróði í sólbaði, einsog sést á myndinni var Fróði alveg að kafna

Halla, Fróði og ég

Fróði sæti

Halla og Fróði sem er kominn með nóg af þessari myndatöku

Kata og Trine vinkona hennar úr Alfa hópnum

Fróði að vera þverhaus, hann nennti ekki að labba lengur í þessum hita og lagðist í jörðina.

Halla hjá Aker Festning

Fína hárgreiðslan sem Halla gerði í mig

Eftir æðislegan dag fórum við heim og ég málaði plötuna sem var verið að festa aftan á eldhúsinnréttinguna mína áður en við fengum okkur Camembert bringur og ís í eftirrétt.

Í gær fór ég með Fróða í hundafimi í hellidembu. Fyrst ætlaði hann nú ekkert að hlýða mér og stakk af um leið og ég tók af honum tauminn. Ég var alveg miður mín og við það að gefast uppá þessu öllu saman þegar Fróði ákvað allt í einu að brillera bara og hljóp brautina alla án vandræða einsog hann hafi aldrei gert annað.
Í dag hef ég verið að læra og þrífa svo í forlaginu og á morgun heldur lærdómurinn áfram, Vúhú!

Grillveisla og atvinnuleit

2009-05-14T20:33:00.004Z

Ég hef haft í nógu að snúast undanfarið, eins og vanalega. Um helgina fékk ég stelpurnar til mín í grill til að halda uppá 25 ára afmælið mitt. Við vorum ekkert alltof heppnar með veður, en það komu stöku skúrir yfir daginn og ég var hrædd um að við þyrftum að flýja inn. En þegar þær komu lét sólin sjá sig og við fengum bara ágætis veður meðan við sátum úti og snæddum ljúffeng lambalæri sem mamma kom með að heiman.

Eins og sést á myndinni var Kata sett í að grilla eftir að ég hafði forsteikt kjötið í ofninum. Á myndinni situr Henriette i rólunni og Camilla er í grænum jakka og situr við hliðina á Miriam.

Fróði fékk að vera með að sjálfsögðu og fékk að naga beinin á eftir.

Kata stóð sig með prýði við grillið

Miriam fær sér af kjötinu

Ég og Henriette sem fær sér af ljúffenga kartöflusallatinu sem Miriam kom með.

Hérna er ég að opna gjöfina mína frá Henriette. Hún hafði skrifað handa mér vers á blað og skreytt, mjög fallegt. Í fanginu er ég líka með svaka sætann blómadúk sem Miriam gaf mér. Til vinstri á myndinni er svo Marte sem hafði föndrað fyrir mig krukku með pestó.

Hér erum við allar nema Halla því hún var ljósmyndarinn þetta kvöld.

Halla tók að sér að skera restina af kjötinu til að setja inní frysti og geyma. Hún notaði allfrumlega aðferð við þetta.

Miriam, Camilla, Fróði og Marte ræða málin í sófanum.

Svo í lokin ein af hetjum kvöldsins, Höllu og Kötu sem hjálpuðu með eldamennskuna og tiltektina. Takk stelpur, þið eruð bestar :D

Þessi vika hefur svo einkennst af prófalestri, verkefnapælingum, ásamt kvíða og hausverkjum. Ég hef enn ekki fengið sumarvinnu, en mér bauðst að vinna við blaðaútburð í Aftenposten fyrir örfáa aura á mánuði, en ég ákvað eftir mikla íhugun að ég vildi ekki þiggja það. Það hefði þýtt að vinna 6 daga vikunnar í líkamlega erfiðri vinnu fyrir afar lág laun. Ég verð að treysta því að Guð hafi eitthvað betra handa mér, en Marte bekkjarsystir mín lét atvinnuveitandann sinn hafa símanúmerið mitt. Það vantar fólk í 3 vikur í sumar í sumarbúðum fyrir fötluð börn, líklegast síðustu vikuna í júní og fyrstu 2 vikurnar í ágúst. Ég ætla að láta Mörtu fá ferilskrána mína á morgun svo hún geti komið henni áleiðis til yfirmannsins í næstu viku.
Þið megið gjarnan biðja fyrir því að ég fái vinnu í sumar sem hentar vel og að allt leysist með Fróða líka, að hann þurfi ekki að vera mikið einn.
María Erla kynnti Mastersverkefnið sitt í lyfjafræði í dag og gekk ljómandi vel og ég óska henni til hamingju með það :D
Ég ætla að fá Henriette í mat á morgun og við ætlum að horfa á vídjó, svo það verður örugglega stuð. Eins og flestir vita (nema kannski Fjóla :þ) þá er Eurovision um helgina, eða Grand Prix eins og Norðmennirnir kalla það af einhverjum ástæðum. Mér og Höllu er boðið í partý til Miriam svo það verður örugglega rosalega gaman. Á sunnudaginn er svo 17 maí og hellings dagskrá niðrí bæ. Ég veit ekki ennþá hvað ég ætla að gera eða hvað ég verð, en það verður örugglega rosa gaman.
Nú ætla ég hins vegar fljótlega í háttinn enda skóli og lestur á morgun.

Mamma í heimsókn

2009-05-07T19:22:00.011Z

Jæja gott fólk. Ég var víst búin að lofa myndafærslu og hér kemur hún. Margt hefur borið á síðustu daga enda mamma í heimsókn var nottla bara æðislegt, en fyrst koma myndir frá 25 ára afmælisdeginum mínum.

Þetta var m.a. í pakkanum sem kom til mín frá Fjólu, þvottaklútur í laginu einsog páskaegg, bara snilld.

Hér er afmælisbarnið sjálft með medalíuna sem ég fékk frá Höllu og Kötu

Halla að útbúa kjúklingabringurnar handa okkur

Ég með súkkulaðibænahendurnar frá Fjólu

Og svo The What Would Jesus Eat Cookbook, og plattann sem á stendur: I may not be perfect but my dog loves me.

Hér er svo pakkinn frá Kötu og Höllu, Halla föndraði kassann og kortið. Í bakgrunni eru blómin sem ég fékk frá Elsu.

Mamma kom svo til mín á fimmtudeginum fyrir viku og það var bara geggjað. Veðrið var æðislegt og við settumst út í sólina á Nationaltheatret.

Mamma sæta

Fróði alveg uppgefinn en hann var svo glaður að fá ömmu sína aftur. Dansaði svoleðis í kringum hana villt og galið þegar hann sá hana á brautarpallinum.

Við versluðum smá föt á mig þetta kvöld (afmælisdekur) og fórum svo að borða á Ruby Tuesday á Akerbrygge, sem var bara æðislegt.

Á föstudeginum hitti Halla okkur niður á Akerbrygge í ennþá betra veðri. Yfir tuttugu stiga hita og sól. Við urðum nottla að fá okkur ís...

....og Fróði fékk smá ís líka að sjálfsögðu

Ég og mamma með Akershus festning í bakgrunni

Halla og mamma

Þetta var auðvitað á fyrsta maí og svakaleg skrúðganga í bænum, ég hef aldrei á ævinni séð jafn mikið af fólki samankomið á einum stað.

Þessi vildi ólmur heilsa upp á Fróða

Gamall slökkviliðsbíll

Halla að taka vídjó af mömmu sem þið getið séð á blogginu hennar

Lúðrasveit lögreglunnar var rosa flott, en það voru örugglega um 30 lúðrasveitir í skrúðgöngunni. Við stóðum og horfðum á fólksfjöldanum labba framhjá í rúman hálftíma, en misstum þó af byrjun og enda skrúðgöngunnar. Þetta var bara heilt Ísland!

Eftir hátíðarhöldin fórum ég og Halla í Tusenfryd á meðan mamma heilsaði uppá Klöru í Ski. Það var alveg hreint æðislegt að fara í skemmtigarðinn og við fórum í fullt af brjáluðum tækjum, svona einsog Speedmonster. Halla tók nokkrar myndir, en ég þorði ekki að hafa myndavélina með. Hún setti myndir á fésbókina sína, en ég ætla að setja þær hingað inn þegar ég hef rænt þeim þaðan.
Um kvöldið fórum við í mat til Klöru og því miður gleymdist alveg að taka myndir þar, en við sátum úti á veröndinni þeirra og borðuðum góðan mat og höfðum það gott.

Á laugardeginum mældum við okkur mót við Kötu og fórum svo um borð í ferju sem siglir til eyjanna í Oslófjörðinum. Maður notar bara strætókortið sitt innan Osló og þarf ekkert að borga meir, sem er bara snilld.

Mamma og Fróði í ferjunni, en það var ekkert sérstakt veður heldur rok og skýjað.

Kata kúlisti

Ég og mútta

Bad hairday

Hér erum við komnar á fyrstu eyjuna, Gressholmen. Þar er víst allt morandi í kanínum en við sáum bara maura. Göngustígarnir bókstaflega hreyfðust og ég kramdi svona 10 maura í hvert sinn sem ég drap niður fæti.

Mamma að horfa útyfir Oslófjörðinn

Sést aðeins í aðra eyju sem ég man ekkert hvað heitir :þ

Kata að reyna að komast að því hvaða eyja þetta er

Fróði var sáttur að liggja undir kortinu og grafa eftir maurum

Fróði að módelast

Hér tókum við svo ferjuna aftur

Næsta eyja var Hovedøya en þar voru meðal annars rústir gamals nunnuklausturs og við príluðum auðvitað uppí hæsta turninn

Ég prílaði upp til Kötu og treysti mömmu til að taka fína mynd sem myndi gera allt erfiðið þess virði, þetta var árangurinn:

Hér erum mamma svo á leið heim í bananum

Við stoppuðum í matvörubúðinni og keyptum helling af mat og nytjavörum sem mamma gaf mér. Við ákváðum að ræna kerrunni úr búðinni og rúlla þessu öllu heim. Okkur leið einsog stórglæpamönnum og áttum von á að vera stoppuð af löggunni eða móðum búðarstarfsmanni hvað á hverju.

Við fórum svo á Dolly Dimples sem er pizzastaður og fengum okkur góða pizzu í kvöldmat.

Á sunnudeginum fórum við í messu í Storsalen og svo tókum svo banann til Sognsvann og gengum hringinn kringum vatnið.
Mamma útá bryggju með Fróða

Ég og Fróði sem var ekki par hrifinn af að standa svona nálægt vatninu

Stress geisp

Súrt módel

Þegar við komum heim um fjögurleytið sátu Elsa og Þóra vinkona hennar úti í garði með stráhatta og sötruðu hvítvín. Þóra hefur búið hér í rúm 50 ár. Við settumst með þeim út og fengum köku og kaffi og spjölluðum helling.

Eftir spjallið kom Kata og við elduðum saman ljúffengan mat.

Á mánudeginum hittum við Camillu í Grorud og löbbuðum saman til Lilleroseter sem er 3 og hálfs tíma labb. Við smelltum auðvitað af nokkrum myndum á toppnum.
Ég og Camilla með Fróða sem ætlaði varla að nenna að drattast þetta

Ég og mútta með prinsinn

Við fórum svo í vöfflukaffi til Höllu og Örnu áður en ferðinni var haldið áfram á hundafimiæfingu. Eftir að villast svoldið fundum við skólann sem æfingin var í.
Fróði stóð sig með ljóma og hoppaði gegnum hjólið einsog ekkert væri. Mamma var auðvitað of sein að smella af svo þið verðið bara að taka mig á orðinu.

Vippuna er hann enn að taka í sátt en við náðum miklum árangri og hann labbaði sjálfur uppá hana og yfir meðan hún var látin síga löturhægt niður.

Svo flaug hann upp mønen einsog ekkert væri, ekkert smá flinkur

Ég læt þetta duga í bili og ætla að skríða upp í rúm. Kem með frekari fréttir fljótlega.

Ný færsla væntanleg

2009-05-06T23:05:00.001Z

Ætlaði bara að láta vita að það er stutt í næstu færslu hjá mér, en hún kemur inn á morgun. Það hefur verið mikið að gera hjá mér enda mamma í heimsókn, sem var nottla bara æðislegt. En meira um það og myndir á morgun :D

Fínn afmælisdagur og smá skemmtun fyrir ykkur

2009-04-28T09:06:00.004Z

Ég átti bara mjög fínan afmælisdag í gær og Halla og Kata komu í heimsókn um kvöldið og við elduðum ljúffengar kjúklingabringur. Ég læt uppskriftina fylgja með.

Camenbert Bringur í rjómasósu

4 Kjúklingabringur
Ferskir sveppir u.þ.b. einn kassi
camenbertostur
rjómi

Búið til vasa úr bringunni og setjið ostinn inní.Skerið sveppina niður.Kryddið kjúklinginn með season all. Hitið pönnuna vel og steikið þannig að hann verði fallega brúnn . Steikið sveppina og setjið með kjúklingnum. Hellið síðan rjómanum yfir og látið krauma þar til tilbúið.

Einnig má bragðbæta bringurnar með því að vefja beikoni utan um þær.

Ég ætla svo að setja inn myndir af gærkvöldinu og pökkunum seinna í dag.

Í dag er annars bara verkefnavinna og væntanlega forlagsþrif.

Ég ætla þó að setja inn nokkur vídjó ykkur til skemmtunar og yndisauka.

Þetta er með Jim Carrey og Will Ferrel úr Saturday Night Life.

Jacuzzi Lifeguard - Jim Carrey & Will Ferrell - kewego
Awesome show with Jim Carrey in the role of an annoying jacuzzi lifeguard. First seen on SNL.

Keywords: funny humour show jim carrey snl jacuzzi will ferrell lifeguard

Video from kiwi729

Hér er svo vídjó úr Britain's got talent með virkilega flinkum strák sem syngur.
Mér tókst ekki að setja það beint hingað inn en klikkaðu hérna til að horfa á vídjóið.

Jæja, ég ætla að halda áfram lærdómnum!

Ég á afmæli :)

2009-04-27T07:20:00.004Z

Jæja. Ég vaknaði í morgun og var þá árinu eldri.
Ég er semsagt orðin 25 ára!

Ég hef nú lifað fjórðung úr öld og get því ekki talist neitt unglamb lengur! Ég fann grátt hár um daginn og ætlaði að halda uppá það en nú finn ég það ekki aftur. Sólin skín og það virðist ætla að verða góður dagur í dag og ég ætla að reyna að njóta hans þrátt fyrir allan lærdóminn. Ég hef nú þegar fengið fjölmargar afmæliskveðjur í símann minn sem ég er þakklát fyrir. Ég reikna svo fastlega með því að pökkum rigni yfir mig í kvöld þegar Kata og Halla koma í mat. Það eina sem vantar eruð þið sem lesið bloggið mitt og ég hugsa til ykkar með söknuði í dag. En nú ætla ég að opna pakkann frá Fjólu.
Eigið góðan dag!

Hrikalegt kvöld í forlaginu

2009-04-26T21:49:00.004Z

Ég ætla bara að segja nokkur orð um þennan skrautlega dag í dag. Ég fór í sunnudagaskólann sem gekk bara þokkalega vel, nema ég gleymdi lyklunum að forlaginu, svo ég þurfti að fara heim áður en ég gat farið að þvo. Það var nottla bömmer, en jæja, ég fór bara heim, fékk mér kvöldmat og fór svo í forlagið um áttaleytið. Þetta er gamalt viðarhús, og að sjálfsögðu enginn í húsinu þegar ég kom. Ég þurfti að fara upp á efstu hæðina til að ná í ryksuguna og slæ inn tölurnar til að slökkva á viðvörunarkerfinu eins og vanalega, eins og ég hef gert svona hundrað sinnum áður. Nema í þetta sinn hélt kerfið áfram að pípa þar til viðvörunar bjöllurnar glumdu svo undir tók í öllu húsinu. Ég fékk algerlega fyrir hjartað og hljóp niður að ná í Fróða og koma honum í skjól fyrir þessum hræðilega hávaða. Fróði var auðvitað lafhræddur og titraði og skalf meðan ég þaut með hann inná skrifstofu þar sem síminn var að hringja. Það var frá Securitas, en konan í símanum spurði um leyniorð sem ég kunni auðvitað ekki en gat þó sagt henni kóðann að viðvörunarkerfinu. Hún sagði mér að prófa að slá hann inn aftur en allt kom fyrir ekki. Þá hringdi Forlagsstjórinn og gaf mér aðrar tölur sem ekki virkuðu heldur. Ég og Fróði vorum föst inná skrifstofu í 20 mínútur meðan bjöllurnar glumdu og ég hélt fyrir eyrun á Fróða. Ég flýtti mér svo að þrífa í snatri þegar loksins slokknaði á kerfinu og forðaði mér út úr forlaginu um hálfellevu, þá orðin verulega kvekkt og tæp á taugum auk þess sem ég heyri ennþá suð í eyurunum á mér. Ég bara vona að Fróði hafi ekki hlotið skaða af þessum hræðilega hávaða. Þegar ég kom út sá ég Trikkinn minn keyra framhjá og ég horfði upp í himininn og spurði Guð hvort hann hataði mig ekki bara. Og þá byrjaði að rigna. Hellidemba og ég ekki með regnjakka eða regnhlíf. Ég beið eftir strætó í rigningunni og hraðaði mér svo frá stoppistöðinni og heim í myrkri og rigningu.
Á morgun verður vonandi betri dagur, enda verð ég 25 ára eftur rúma mínútu :D Halla og Kata koma í mat, en ég verð með kjúklingafille fyllt með Camembert osti og rjómasósu og Kata kemur með Nóa Suðusúkkulaði svo við getum bakað frönsku súkkulaðikökuna, namminamm :þ nú og svo get ég opnað pakkann frá Fjólu, vúhú.
Góða nótt elskurnar og sofið rótt.

Grill hjá Örnu og steikjandi hiti

2009-04-25T12:56:00.003Z

Ætlaði bara að láta vita að það er svo sannarlega komið sumar hérna í Osló. Ég fór út með námsbókina í gærmorgun til að lesa og fór svo í labbitúr með Fróða og hitinn var kominn upp undir þrjátíu gráður þar sem sólin skein beint á mig í sólstólnum úti í garði. Ég þoldi ekki lengur við heldur flúði inn aftur. Í gærkvöldi fór ég með Elsu í grill til Örnu og mér var boðið með til að leiðbeina Elsu hvaða leið hún á að keyra til Örnu. Það var rosalega fínt, æðislegt veður og ég og Halla sátum úti á palli og borðuðum grillað lambakjöt og kjúklingabringur. Ég keyrði svo okkur Elsu heim ásamt konu sem heitir Arna sem var með okkur í grillinu og kemur frá Bergen. Hún var rosa hrifin af Fróða auðvitað og sagði að svona hund vildi hún eignast. Mér tókst svo að koma okkur Örnu gegnum allar einstefnurnar og krúsídullurnar í miðbæ Oslóar og heim á Jutulveien. Í dag þarf ég svo að fara og þrífa í Forlaginu og vinna í sunnudagaskólanum. Þess á milli er ég að vinna í verkefni sem ég á að skila á miðvikudaginn um nyreligiøsitet. Mér mun samt ekki leiðast þegar ég hef skilað því af mér því þá kemur mamma! Ég hlakka rosa til að fá hana í heimsókn og kannski held ég bara upp á afmælið mitt líka þegar hún kemur, en ég verð alveg hrikalega gömul á morgun, 25 ára! Í dag virðist ætla að vera heitur dagur og spurning að kíkja aftur með bókina útí garð.
Eigið góðan dag!

Umhverfissinnarnir

2009-04-24T22:39:00.003Z

Mig langaði bara að setja inn þessa auglýsingu sem er oft spiluð í sjónvarpinu hérna úti.

Miljøagentene eða umhverfissinnarnir er hugmynd sem gengur útá að börnin eigi að passa uppá að foreldrarnir fari ekki illa með náttúruna, flokki rusl og minnki mengun því að um ræðir þeirra framtíð. Í vídjóinu stendur litli strákurinn pabba vinar síns og félaga hans að því að menga umhverfið. Hann skipar þeim að drepa á bílnum, þetta sé ekki töff og hótar að segja syni eins þeirra frá. Hann skammast sín og þeir drepa á vélinni. Strákurinn segist svo áður en hann hjólar í burtu: Jeg er ekki reiður, bara rosalega vonsvikinn.

Gleðilegt sumar

2009-04-24T17:18:00.007Z

Ég hef verið allhræðilegur bloggari undanfarið, en hér hefur bara verið alltof mikið að gera einsog vanalega.
Ég ýmist í heimsókn eða með heimsókn svoleiðis að hér er sko aldrei dauður punktur get ég sagt ykkur. Sumarið er komið til Oslóar, blómin eru að springa út og laufin farin að láta sjá sig á greinum trjánna.
Ég fékk pabba í heimsókn síðustu helgi og það var alveg æðislegt.
Við byrjuðum á því að kíkja í Vigelandsparken á laugardeginum, reyndar ekkert í spes veðri.
Hér er pabbi fyrir framan hæstu styttuna í garðinum, sem er samansett af mannslíkömum.

Fróði fékk auðvitað að pósa hjá styttunum.

Svaka ánægður með sig, allir að horfa á hann og taka mynd af HONUM, ekki styttunni sko :þ

Ég og dýrið með háa turninn í bakgrunn

Ég sýndi pabba svo skólann minn, reyndar aðeins að utanverðu þar sem hann var lokaður á laugardegi.

Pabbi vildi taka mynd af þessu því að skólinn er á Gydas vei, en besta vinkona mömmu og framkvæmdastjóri KFUM og KFUK heitir Gyða.

Pabbi að kíkja á kortið áður en við lögðum af stað heiman frá mér til að fara á Big Horn Steakhouse á Akerbrygge.
Pabbi rataði auðvitað útum allt einsog ekkert enda með frábæran aðstoðarmann til að lesa á kortið meðan hann keyrði.

Við fengum okkur mexíkanska piparsteik á steikhúsinu, alveg einsog síðast og bananasplitt í desert...namminamm....:p

Á sunnudeginum keyrðum við til Kolbotn og náðum í Höllu áður en við brunuðum svo til Frognerseteren og fórum á kaffihúsið sem ég og Fjóla fórum á þegar hún var í heimsókn hjá mér í vetur.

Það varð auðvitað að pína Fróða smá.

Ég og Halla og Fróði fyrir utan þetta flotta kaffihús.

Eftir heitt súkkulaði og meðlæti var ekki annað í stöðunni en að reyna að ganga þetta af sér.
Fróði á fleygiferð.

Ég og pabbi með skóginn í bakgrunni.

Halla og pabbi

Við vinkonurnar

Við keyrðum svo til Holmenkollen til að kíkja á skíðapallinn, en þar var allt lokað vegna framkvæmda. Það var þó ekki fýluferð því pabbi tók myndir af svæðinu þar sem þeir voru að byggja til að sýna köllunum í Ístak hvað Norðmennirnir væru vitlausir þegar kæmi að því að byggja.
Rétt hjá Holmenkollen var svo þetta fallega hótel og pabbi rak mig út úr bílnum til að smella myndum af því.

Inngangurinn

Þá var ferðinni haldið til Bærumsverk sem er rosa sætt lítið þorp þar sem ýmislegt handverk er til sölu og sýnis. Bærumsverk var byggt árið 1603 og hefur veirð starfrækt síðan þá og því elsta starfsemin í Noregi.
Fróði var í töskunni í bílnum á leiðinni og slappaði vel af.

Hér erum við komin til Bærumsverk og Halla stendur á brúnni yfir lækinn sem rennur gegnum þorpið.

Halla að sýna okkur húsin.

Pabba fannst alveg magnað og mjög norskt að setja hurð þarna á aðra hæðina :D

Þessi stytta er nottla rosaleg. Ég meina það koma börn í garðin og hvaðeina :D

Fróði og mörgæsirnar

Við fórum inní súkkulaðibúð og fundum þar norsk páskaegg úr súkkulaði!!!

Hér var verið að selja handgerðar körfur og Fróði var ekki lengi að koma sér fyrir í einni þeirra.

Þetta fannst mér bara snilld. Ruggurolla!

Við fórum svo auðvitað á kaffihús og fengum okkur sætindi.

Við enduðum á því að borða á mexíkönskum stað á Karl Johan. Þetta var alveg æðisleg helgi og ég er svo þakklát að pabbi gat komið og heimsótt mig. Ég var nottla dekruð í klessu og pabbi keypti rosa fallegt hjarta úr gleri handa mér og handa Höllu.
Nú er ég að fara að horfa á mynd með Kötu eftir annasaman dag. Ég þarf að skila verkefni í næstu viku og þarf að finna mér sumarvinnu.
Þið megið endilega biðja fyrir því að hvorutveggja takist vel.
Hlýjar sumarkveðjur héðan úr Osló

Páskamyndir

2009-04-15T09:29:00.005Z

Þetta voru fyrstu páskarnir mínir fjarri fjölskyldu og mörgum góðum vinum. Þeir voru þó bara nokkuð ánægjulegir og ekki spillti fyrir að ég og Kata elduðum alveg ótrúlega góða páskaskinku með brúnuðum kartöflum og ávaxtasallati á páskasunnudag, eftir að við komum heim úr páskamessu úr morguninn.
Hér er Kata að bragða á sósunni og athuga skinkuna

Namminamm :þ

Eftir matinn var svo myndataka og auðvitað var Fróði aðalviðfangsefnið.

Ha, norskt pappapáskaegg, hvað er nú það???

Sætastur

Páskabaðið

Ég er sko BARA saklaus mamma

Fróði og Kata að knúsast

Við fórum svo í smá labbitúr og ég tók myndir af húsinu mínu.
Það er fremst til vinstri á myndinni:

Kata hinum megin við götuna

Þegar við komum inn bökuðum við franska súkkulaðköku úr Nóa Siríus suðusúkkulaði, nammnamm....:p

Nú svo hélt myndatakan auðvitað áfram:

Haha, smá dýranýðsla í gangi

Svo ein svona alvarleg í lokin.

Seinbúnar páskakveðjur frá mér og Fróða :D

Gleðilega páska

2009-04-12T19:59:00.003Z

Gleðilega páska

„Skelfist eigi. Þér leitið að Jesú frá Nasaret, hinum krossfesta. Hann er upp risinn, hann er ekki hér" Markús 16ff

Meira blogg og myndir á morgun!

Lillehammer og Lilleroseter

2009-04-11T12:45:00.000Z

Þetta hefur verið notalegt páskafrí. Ég fór með Höllu og Sigrúnu til Lillehammer á miðvikudaginn sem er rúmlega þriggja tíma keyrsla frá Osló.
Hér er Halla bílstjóri sem tók nokkrar vitlausar beyjur þannig að við vorum fjóra tíma á leiðinni :þ

Við vorum ekki beint heppin með veður en svona var útsýnið nær alla leiðina

Rigning og þoka

Við komumst þó loks á leiðarenda og fórum á kaffihús í bænum þar sem við höfðum mælt okkur mót við Klöru, Sævar, Írisi, Helenu og Tómas

Íris og Helena litla og Sævar afi með á neðri myndinni

Ég og Klara

Frá vinstri: Sigrún, Halla, Klara og ég

Litla fjölskyldan, Tómas, Helena og Íris

Helena litla

Hér erum við á göngugötunni í Lillehammer með risaregnhlíf

Ég sá þennan ofurtöff hana og bara varð að taka mynd af Höllu fyrir framan hann. Svo er bara spurning hvor er meiri töffari :)

Þessi elgur sat með höfuðið fast inní kaffihúsi :þ

Halla, Klara og Sigrún

Ég læt þessa mynd fljóta með því ég benti Fróða á að koma að glugganum því ég ætlaði að taka mynd af honum fyrir framan hann. Fróði misskildi eitthvað og sá ekki að þarna var gler og hoppaði beint á gluggann. Ég fékk alveg sjokk og Fróði var pínu vankaður eftir á einsog kannski sést á myndinni.

Við Fróði fyrir aftan listaverk sem reist var til að minna á Ólympíu leikana sem haldnir voru í bænum árið 1994

Fróði var sko ekki að nenna þessu

Halla á aðalgöngugötunni með Fróða

Gleðilega páska :D

Fróði að velja af matseðlinum

Halla í ólympíu kyndlahlaupara listaverkinu með regnhlífina

Smá bæjarmynd

Á skírdag fórum ég og Camilla í göngutúr að Lilleroseter, sem er nálægt Grorud þar sem Camilla ólst upp. Þetta er vanalega um 2ja tíma ganga en við vorum rúma fjóratíma þar sem við löbbuðum frá T banastöðinni og stoppuðum soldið á toppnum. Þar hitti Fróði svakalega sæta tíbbadömu og það var auðvitað ást við fyrstu sýn:

Knúsast smá

Algjört bjútí og þvílík prinsessa sem þessi tíbbadama var. Sú sem var með hana var bara að passa hana en hún sagði að hún var alger prinsessa, eigandinn hafði sagt að hún gæti bara labbað í einn klukkutíma af því hún væri svo lítil!

Camilla fyrir utan kaffihúsið á bekknum þar sem við borðuðum nesti.

Fróði og tíbbadaman höfðu aðallega áhuga á einu eins og sést á þessum myndum:

Snilldarsvipur á þeim báðum

Fallega daman

Fróði heilsaði svo síðar uppá minpin tík meðan tíbbadaman var bundin við staur og hún grét af afbrýðisemi :þ

EFtir gönguferðina fórum við heim til mömmu Camillu þar sem við borðuðum kvöldmat.
Fróði var líka dauðþreyttur og ákvað að liggja og lesa aðeins í matreiðslubókinni :)

Ok, hann skoðaði bara myndirnar, en samt :þ

Hann þurfti svo auðvitað að gera nokkur trix til að fá nammi og fékk svo dollu af túnfisk.

Í gær, föstudaginn langa, var bara afslöppun. Ég fór aðeins út að hjóla og svo labba með Fróða því veðrið var svo gott. Um kvöldið komu Henriette og Kata í heimsókn og við horfðum saman á Sense and Sensibility og drukkum te.
Í dag er heitasti dagurinn í marga mánuði. Ég vaknaði við að ég var að stikna úr hita og er nú á leið útí búð á kaupa það sem vantar í páskamatinn. Kata keypti páskaskinku sem ég ætla að matreiða. Svo fer ég í forlagið að þrífa.
Í kvöld er svo Påskeaften sem er víst eitthvað big deal hjá Norðmönnum því búðirnar eru bara opnar til fjögur í dag.
Eigið frábæran dag :D

Fréttir og myndir úr páskafríinu

2009-04-07T16:36:00.006Z

Ég er loks sest niður við tölvuna aftur eftir heljarinnar páskahreingerningu. Ég er búin að þrífa allt hátt og lágt í íbúðinni, ryksuga og skúra auk þess sem páskadúkur er kominn á borðið. Síðustu daga hef ég verið að snúast í hinu og þessu, þá aðallega í góðum félagsskap Kötu og Arnrúnar, sem heimsótti hana um helgina. Í gær fórum við í bæjarferð í sól og hita. Það var rosalega fínt og keypti mér rosa fínar buxur fyrir sumarið. Það var páskafrí í hundafiminni svo ég borðaði kvöldmat hjá Kötu.

Ég er núna búin að pakka öllu ofan í tösku. Halla og Sigrún mamma hennar eru hér og við erum á leið heim til Höllu því í fyrramálið förum við til Lillehammer að heimsækja Klöru og Sævar sem eru í sumarbústað þar í grennd.
Á fimmtudag förum ég og Camilla í gönguferð í Lilleroseter sem er hér í Osló, ef að veðrið verður sæmilegt. Égætla auðvitað að taka myndavélina með.

Hér eru í lokin nokkrar myndir.
Ég var að þvo þvott og þvottakarfan valt á hliðina. Fróði var ekki lengi að skríða inní nýja bælið :D

Þessir broddgeltir eiga heima ofan á sjónvarpinu mínu.

Síðast koma nokkrar myndir frá því á þriðjudagskvöldinu í síðustu viku þegar Arnrún, Kata og Halla voru hér í heimsókn og við fengum okkur ís.

Hafið það gott og njótið þess ef þið eruð í páskafríi :D

Komin í páskafrí!!!

2009-04-04T09:10:00.003Z

Ég tók Examen Philosoficus prófið í gær og ég held ég hafi bara klárað mig ágætlega. Þetta er áfangi sem allir þurfa að taka sem stefna á BA gráðuna hérna úti í Noregi og það er gott að vera bara búin með þetta. Það voru tvær eldri konur sem voru próflesarar og ég skilaði prófinu langsíðust. Ég ruglaðist nebbla aðeins og byrjaði að skrifa um Platón þegar ég átti að skrifa um Sókrates, svo ég þurfti að skrifa annað verkefnið uppá nýtt. Þegar ég skilaði svo prófinu spurði önnur prófdómaranna mig hvort það hefði gengið vel á íslensku!!! Ég sagði nottla bara að það hefði gengið sæmliga, alveg steinhissa á þessu. Ég spurði hana svo hvort hún talaði íslensku og þá sagði konan fyrir aftan mig "Pínulítið". Þær höfðu semsagt báðar unnið á, að ég held, Landsspítalanum um eitthvað skeið og spurðu hvort ég væri skyld hjúkku sem heitir Hanna Kolbeinsdóttir. Mér fannst þetta alveg magnað og það var rosa næs að spjalla við þær aðeins eftir prófið.
Fróði hafði verið í pössun hjá Kötu og ég og Camilla fórum og náðum í hann eftir prófið og fórum svo saman á folkeregistreret þar sem ég lét breyta heimilisfanginu mínu í Jutulveien 22.
Við löbbuðum svo um miðbæinn þveran og endilangann og kíktum í búðir, þar til Fróði bara harðneitaði og sagði hingað og ekki lengra. Ég þurfti að bera litla þrjóskupúkann af því hann var bara kominn með alveg nóg.
Ég keypti mér reyndar fína sparipeysu á 70 krónur og bók eftir Hugh Laurie (aðalleikarann í House) sem virkar mjög spennandi. Eftir mikið labba enduðum við hins vegar á útikaffihúsi á Akerbrygge þar sem við fengum okkur sætasta kakó sem ég hef smakkað. Eftirá fórum við í Deli De Luca og keyptum sitthvorn Drauminn (uppáhaldsnammið hennar Camillu) til að fagna því að vera búnar með prófið. Lítill Draumur hér kostar um 25 krónur norskar sem er nottla bara BILUN enda afar sjaldan sem ég læt svona eftir mér.
Þegar klukkan var að ganga fimm hoppuðum við uppí rútu á leið til Lommedalen þar sem Marte hafði boðið okkur í mat til að fagna próflokum. Við áttum rosa fínt kvöld saman, bekkjarsysturnar og fórum í smá gönguferð um Lommedalen. Hluti leiðarinnar var svakaleg torfæra gegnum metersháan snjó og mér tókst auðvitað að fara útaf veginum nokkrum sinnum og festa mig í snjónum sem náði uppá mitti. Í fseinna skiptið tókst mér að festa mig svo svakalega að það þurfti að grafa mig upp aftur. Við komumst svo loksins á áfangastað sem var kirkjan þar sem pabbi Henriette er prestur og Marte er skátaforingi. Þetta var rosaleg falleg kirkja og með útsýni yfir allan dalinn. Eftir frábært kvöld dröslaði ég mér svo heim og beint í bólið og svaf þar vært í alla nótt.
Í dag verður bara chill og kannski smá páskatiltekt hér heima. Ef mér endist orkan fer ég svo kannski í forlagið að þrífa þar líka. Á morgun er svo Íslendingamessa og ég þarf að undirbúa efni fyrir íslenskukennsluna í sunnudagaskólanum.
Mamma er í heimsókn hjá Maríu núna í Horsens í Danmörku og ég ætla að slá á Skype þráðinn til þeirra í kvöld.
Vona þið eigið frábæran dag :D

Búin að skila lyklunum og próf á föstudaginn

2009-04-01T14:32:00.000Z

Ég hef ekki bloggað í heila eilífð, en sannleikurinn er að það hefur hreinlega verið brjálað að gera hjá mér undanfarna daga. Ég þurfti að fara þrisvar og þrífa gömlu íbúðina áður en leigusalinn var ánægður og þurfti svo í IKEA á mánudaginn til að kaupa nýja fíltera í næstum ónotaða viftuna fyrir ofan helluborðið í míní eldhúsinu í gömlu íbúðinni. Þetta tók allt saman vægast sagt á og ég er afar þakklát Kötu og Höllu fyrir að koma með mér að þrífa í tíma og ótíma. Þetta kostaði mig allt saman afar dýrmætan tíma og ég hef því ekki haft þann tíma sem ég hefði þurft til að læra undir examen filosofikus prófið á föstudag. Ég þakka ykkur samt sem báðuð fyrir þessu og er svo þakklát að vera búin að skila lyklunum og fá depositum.
Í gær sótti ég Arnrúnu á lestarstöðina og beið með henni eftir að Kata væri búin í skólanum. Ég fór svo og þvoði í forlaginu. Við borðuðum svo þrjár saman mat heima hjá mér og Halla kíkti svo í heimsókn og við gæddum okkur á ís saman.
#Myndir koma í kvöld#
Í dag sól og blíða og alger hryllingur að vera föst í prófalestri á svona dögum. Ég er núna í seminartíma sem er skyldumæting í en á eftir ætlar Miriam að koma í heimsókn til mín og við lærum fyrir prófið saman.
Ég væri þakklát ef þið vilduð biðja fyrir því að ég nái þessu prófi.

Fjóla og Davíð hafa ákveðið að flytja til Washington því Davíð ætlar í Georgetown Law. Ég er himinlifandi yfir þessari ákvörðun og hef sterka sannfæringu fyrir því að hún sé sú rétta. Ég get ekki beðið eftir að geta heimsótt þau :D

En ég þarf að fara að fylgjast með seminartímanum núna og bið ykkur bara vel að lifa. Ég bæti við nokkrum myndum í kvöld ef tími vinnst til eftir próflesturinn.

Innflutningspartý

2009-03-21T10:07:00.006Z

Það hefur aldeilis mikið gengið á síðustu daga en helst er þó í fréttum að í gær var innflutningspartýið mitt. Ég var með þrjá dygga aðstoðarmenn til undirbúnings veislunni, en Halla og Kata löguðu súpu og bökuðu bollur á meðan ég og Camilla gerðum franskar súkkulaðikökur.
Camilla fór þó fyrst í tveggja tíma gönguferð með Fróða kallinn, sem var ekkert sérlega hreinn þegar þau komu heim:

Það var nottla ekkert annað í stöðunni ena ð henda kallinum í bað, enda gat hann ekki verið svona útlýtandi í innflutningspartýinu.
Hann var baðaður með dýrindis sápum og útmakaður í silkiolíu, burstaður og pússaður og þetta var útkoman:

Það var soldið stress að klára að gera allt áður tími væri kominn á gestina og hefði aldrei hafist án hjálpar, það er á hreinu. Ég henti mér í ískalda sturtu (allt heita vatnið fór í baða Fróða) og fór svo út á T banastöðina að sækja stelpurnar. Þegar við komum til baka voru snilldar aðstoðarmennirnir mínir búnar að kveikja á kertum, leggja á borð og gera allt kósi. Það vildi þó ekki betur til en svo að hellan réði ekki við að hita risa stóra potinn sem ég fékk lánaðan hjá Elsu til að gera íslensku grænmetissúpuna. Það var því ekkert annað í stöðunni en að banka hjá Elsu og fá að hita súpuna í eldhúsinu hennar. Það var alveg sjálfsagt og Kata stóð yfir súpunni meðan ég sinnti gestunum.
Súpan kom svo rjúkandi heit og fín upp tröppurnar og allir settust við borðið.
Það var nottla ekki hægt annað en að gretta sig smá framan í myndavélina:

Einasta myndin af okkur öllum:

Á myndinni að ofan er frá vinstri: Ég, Camilla, Halla, Kata, Miriam og Henriette. Marte situr svo fremst.

Henriette var í svaka stuði og reif af sér brantarana. Hún las svo fyrir okkur nokkrar norskar þjóðsögur

Eftir matinn voru kökurnar settar í ofninn. Camilla og Kata setja bökunarpappír í formið:

Halla sker jarðaber sem ég raða svo á kökuna

Fróða flúði undir stól á meðan til að vera ekki troðinn niður.

Ég stórefa að það hafi verið jafnmargir í eldhúsinu áður (BTW Fróði liggur við fæturnar á Camillu)

Kata og Camilla einbeittar

Miriam vinkona

Ég sýni glæsilegu girnilega kökuna

Namminamminamm :þ

Miriam fær fyrstu sneiðina

Það var sko nóg pláss fyrir alla í sófanum.
Frá vinstri: Camilla, Henriette, Marte, Miriam, Halla, Kata og Fróði

Svo nottla ein með mér líka :D

Þetta var æðislegt kvöld og ég hef ekki skemmt mér svona vel lengi. Ég fékk svo auðvitað pakka líka, Marte gaf mér rosa sætt hjarta sem hún saumaði og krukku með kerti í sem hún föndraði líka. Camilla gaf mér brauðhníf og box með gúmmíbjörnum sem á "að opnast í neyð". Kata og Halla gáfu mér svo geggjað flotta uppþvottahanska og bursta með blómamunstri.

Við Fróði erum flutt á Jutulveien

2009-03-15T19:46:00.002Z

Ég hef ekki verið nógu dugleg við að blogga síðustu daga, en nú ætla ég að bæta úr því. Hér hefur mikið gengið á. Ég er alflutt á Jutulveien 22 og er hæstánægð hérna. Íbúðin er bara æðisleg, nóg pláss en samt svaka kósí. Ég á nú eftir að koma mér alveg fyrir, ennþá eftir að pakka uppúr tveim kössum og setja myndir á veggina og svona. Ég stefni að því að hafa innflutningspartý hérna á föstudaginn. Þá verð ég búin að skila af mér KLT verkefninu (vonandi) og hef smá tíma til að taka til. Helgin hefur verið annasöm, ég fór á frjálsan tíma í hundafiminni í gær og það gekk sæmilega. Átti erfitt með að ná sambandi við Fróða því fólk og hundar voru alltaf að koma og fara, en ég náði samt að fá hann til að fara á vegasaltið og hoppa gegnum björgunarhringinn svo ég var sátt. Eftirá fórum við nokkur af æfingunni og á stórt bílastæði þar sem hundarnir fengu að hlaupa og leika sér. Þetta voru ca 10 hundar og helmingurinn stórir. Fróði var í essinu sínu og lék við alla, jafnvel Corgi karlhund sem er vanalega vill ekki blanda geði við aðra karlhunda.
Í dag hringdi Hrefna í mig klukkan hálftvö því ég átti að mæta í sunnudagaskólann. Það var fast í hausnum á mér að ég ætti ekki að mæta fyrr en í næstu viku svo ég hljóp út, en villtist á leið á T bana stöðina því ég reyndi að stytta mér leið og þegar ég loks fann T banastöð, 2 stoppum frá minni, rétt missti ég af bananum. Ég var ekkert smá fúl og varð að sleppa því að mæta í sunnudagaskólann, en fór í staðinn niðrí bókaforlag og þvoði.
Ég ætla svo að reyna að pæla eitthvað í KLT (kristen livstolkning) verkefninu í kvöld og vonandi setja eitthvað niður á blað. Efnið sem ég valdi er: "Kristen etikk er bare for kristne" drøft og ta stilling til denne påstanden. Á íslensku : "Kristin siðfræði er bara fyrir kristna" ræddu og taktu afstöðu til þessarar staðhæfingar.
Ég ætla að skrifa á norsku og vonandi tekst mér að koma einhverju niður á blað þegar ég verð búin að lesa smá, en þetta er áhugavert efni sem býður uppá marga möguleika.
Guð blessi ykkur og hafið það gott

Nýja íbúðin

2009-03-08T21:20:00.007Z

Ég var víst búin að lofa að koma með blogg og myndir í dag, svo það þýðir ekki að svíkjast undan því. Helgin hjá mér hefur verið vægast sagt atburðarrík. Föstudagurinn var vel pakkaður, hann hófst með ferð til Ski þar sem ég þreyf hjá Klöru, tók svo lestina niður í Osló þar sem ég hitti Elsu, nýja leigusalann minn. Við fórum saman í IKEA og ég valdi diska og bolla í stellið mitt og svo fórum við og kíktum á íbúðina sem er orðin svo flott, nýmáluð og fín. Að því loknu keyrði Elsa mig niður í bæ og ég fór á Akerbrygge þar sem ég hitti Kristjönu, sem var með mér í tíbbadeildinni heima, og systur hennar. Við settumst á kaffihús úti, með hitaljós og teppi og Fróði með auðvitað. Það var rosa fínt og við spjölluðum helling, aðallega um Fróða auðvitað. Kristjana tók helling af myndum af Fróða og nokkrar af mér og ég bað hana að skila kærum kveðjum til tíbbadeildarinnar þegar við kvöddumst. Ég tók svo banann til Kringsja, þaðan gekk til Nordberg kirke þar sem ég Kata, Halla og Arna höfðum mælt okkur mót. Þar var kvöldsamvera í tilefni alþjóðlegs bænadags kvenna. Við áttum rosa fínt kvöld saman með konum frá Noregi og Afríku, borðuðum pulsusúpu og brauð saman og deildum vitnisburðum. Ég fór svo heim til Höllu og gisti þar. Á laugardeginum var ég með mígreni og afrekaði ekki margt framan af, en um kvöldið keyrði Halla mig heim og hjálpaði mér að setja ofan í tíu kassa sem ég fékk að láni frá Örnu og Rúnari. Í morgun pakkaði ég aðeins meir og tók svo niður hillusamstæðuna með hjálp Höllu. Við brunuðum svo á bílnum hennar Örnu á Jutulveien í nýju íbúðina. Það tók okkur reyndar klukkutíma að rata í öllum þessum einstefnum og gatnaflækjum í Osló, og Kata sem ætlaði að hitta okkur þar var villuráfandi í slabbi og leiðindaveðri í klukkutíma áður en hún komst á áfangastað. Við fórum svo upp með kassa og hillusamstæðuna. Létum svo Kötu um að klára að setja hana saman á meðan við Halla brunuðum eftir meira dóti.
Við vorum svo orðnar vel þreyttar og svangar eftir að villast aðeins meir á leiðinni og keyptum pizzu og kók og komum með til Kötu og borðuðum saman. Það var alveg æði. Svo drösluðum við okkur heim, búnar á því eftir daginn. Þetta var aldeilis afrek hjá okkur því nú er bara eftir að koma rúminu, skrifborðsstólnum og nokkrum kössum uppeftir og svo er ég bara flutt. Elsa sagði ég mætti flytja hvenær sem er og þyrfti ekki að borga leigu fyrr en í apríl, semsagt ég má búa þarna ókeypis allan mars. Ég bara á ekki orð yfir hvað Elsa er yndæl og frábær kona.
Svoleiðis að lokaátakið verður væntanlega í þessari viku og þá verðun stærsta þrautin að koma dýnunni fyrir í bílnum, en við erum þó nokkuð öruggar um að takast það.
En nóg af kjaftæði, hér koma myndirnar:

Eldhúsið og eldhúsborðið fyrir framan, sést aðeins í útidyrahurðina

Tjaldið sem skilur að baðherbergið og geymsluna

Hluti af baðherberginu

Minn hluti af geymslunni ;D

Sturtan, rúmgóð og fín

Klósettið og þvottavélin

Baðherbergið bláa

Gangurinn minn

Haha, hver er í speglinum :þ

Vúhú

Þessi dúlluskápur geymir alla sætu bollana og diskana sem ég hef

Fróði vildi ekki fara úr kósí bláa sófanum

Ég og Halla sæta

Hér sést sófinn betur, hann er HJÚTS!!!

Stofan

Litla sæta náttborðið mitt

Kata og Halla komu með brilliant hugmynd um hvar ætti að setja prentarann

Kata sýnir hér flotta risgluggann minn, hún er samt eiginlega soldið fyrir honum sko

Halla hugsi

Ég sagði Höllu að gera eitthvað gáfulegt og þetta var afraksturinn:

Bangsímon auðvitað strax búínn að setja svip sinn á íbúðina

Kata í fílíng í svefnherberginu mínu, fataskápurinn er hægra megin við hana

Þetta verður að duga í bili.
Leyfi ykkur svo auðvitað að fylgjast með hvenær ég flyt inn og svona :D

Búin að skila verkefninu!

2009-03-04T21:08:00.002Z

Ég sendi frá mér verkefnið í dag og er svo fegin að vera búin með það!!! Það gekk bara ágætlega og ég náði ekki að skrifa allt sem ég ætlaði mér áður en ég sendi það en það náði lágmarks orðafjölda sem var 2000 orð. Ég skrifaði á norsku svo það verður stuð hjá kennaranum að fara yfir allar málfræði villurnar! Ég heyrði aðeins í múttu í dag en hún er núna farin á systradaga í Skálholti. Hún sagði mér að Hjalti hefði verið í öðrusæti í einhverri gervigreindarkeppni sem er bara frábært og ég er stolt af honum fyrir það.
Ég þvoði alveg heilan helling af þvotti í dag sem ég þurfti að burðast með á milli húsa, en snjórinn er farinn að bráðna svo það eru stórir pollar allstaðar. Fróði er nú ekki beint hrifinn af vatni svoleiðis að stundum stoppaði hann bara og neitaði að fara lengra og þá var ekkert annað en að bera prinsinn yfir stærstu pollana ef maður vildi komast leiðar sinnar.
Kappinn er svo búinn að fá nýja ól sem var á afslætti í Din Beste Venn, sem er dýrabúð hér rétt hjá okkur. Hún er rosa flott, vatnsheld með endurskini og rosa þægilegt að taka af honum og setja á hann, sem er mjög gott fyrir hundafimina.

Litla músin, þornaður eftir vatnsgönguna

Oh, þarf ég að vera með þetta asnalega nammi á hausnum!!!

Hér sést ólin fína (frá Hurtta)

Sætilíus, svona bregst hann við þegar ég segi BANG og hann á að leggjast á hliðina og vera dauður. Við erum aðeins að vinna í svipbrigðunum hjá honum, ekki alveg nógu sannfærandi dauði.

Oh, geturðu ekki bara gefið mér nammið núna!

Fróði að lesa um Augustin fyrir verkefnið (sviðsett mynd)

Hún var alveg svona líka skemmtileg (ekki sviðsett mynd)

Jæja, nóg komið af þessu myndaflippi.
Hafið það sem allra best.

Hundafimi, verkefni og ljóð um Trítlu

2009-03-03T22:05:00.008Z

Jæja, nú ætla ég að vera ofurbloggari og henda inn færslu aðeins rúmum sólarhringi eftir þá síðustu! Ég og Fróði fórum í fimina í gær og það var æði. Danska konan með schnauzerinn náði í mig og við fórum fyrst og létum hundana hlaupa. Fróði var í essinu sínu og þeyttist um allt með Schnauzer, púðlu og Border Terrier á hælunum. Fróði var svo glaður þegar við komum svo inn í æfingarbraggann að ég hef sjaldan séð annað eins. Skottið var á hreyfingu nær alla tvo tímana sem æfingin varði. Framfarirnar eru svo hraðar hjá honum að ég hefði aldrei trúað þessu. Hann hefur hingað til ekki þorað inní göngin ef hann sér ekki fyrir endann á þeim en nú þeyttist hann í gegnum löngu og bognu gönginn eins og ekkert væri. Hann þurfti reyndar smá hjálp við að hoppa í gegnum björgunarhringinn, en ekki mikla. Hann stakk að sjálfsögðu reglulega af úr brautinni til að heilsa uppá allar tíkurnar sem voru í hópnum okkar, alls sex. Hann var svo hrifinn af þeim öllum en þó sérstaklega Sheltie tík og það var svo sætt að sjá þau leika sér. Mér fannst það reyndar ekki sætt þegar hann var að stinga mig af og varð alveg eldrauð og skammaðist mín. Mér tókst þó alltaf að fá hann til mín aftur. Þjálfarinn útskýrði fyrir mér eftirá að ég þyrfti að vera skýrari þegar ég sýndi Fróða hvað hann átti að gera. Um leið og hann skyldi ekki hvers ætlast væri til af sér stakk hann af og fór að gera eitthvað skemmtilegra! Ég tók þessum ráðleggingum og æfði mig að vera eins skýr í líkamstjáningu og ég gat. Þetta var soldið flókið þar sem ég þurfti að hugsa hvert ég ætti að fara og sýna Fróða það á sama tíma, soldið einsog dans, nema ég hef aldrei verið góð í dansi. Jafnvel þjálfarinn skellti uppúr þegar við vorum í brautinni og ég átti að láta Fróða beygja til hægri en það vildi ekki betur til en svo að Fróði flæktist svo svakalega fyrir fótunum á mér að ég flaug á hausinn. Því miður hvarf ég ekki ofaní jörðina og þurfti að standa skömmustulega á fætur og byrja á brautinni uppá nýtt.
Þetta endaði þó allt saman vel og ég var rosa ánægð með Fróða minn. Hann var líka í svo góðu skapi og vildi bara leika við alla hundana sem hann hitti.

Ég var annars í strætó um daginn og varð svo hugsað til hennar Trítlu minnar heitinnar að ég hripaði nokkur orð niður á blað um hana.

Trítla, blítt var brosið þitt,
sem lék um varir þínar
Glöð í öllum þrengingum,
sársauka og ótta.
Svo margt þú vildir segja mér
um gleðina og lífið.
Þó í fyrstu ég væri þrjósk og þver,
þá eftirá ég skildi.
Bjarta blíða brosið þitt,
nú leikur á vörum mínum.

En nú ætla ég í háttinn, er búin að vera að bögglast í verkefninu mínu um Ágústín kirkjuföður í allan dag og er alveg andlaus. Vantar alveg heilan helling uppá þetta og þarf að skila því fyrir hádegi á morgun. Ég ætla bara eldsnemma á fætur í fyrramálið og byrja þá að vinna í því, megið endilega biðja fyrir mér að mér takist þetta.

Góða nótt og sofið rótt

Verkefna vinna og götótt budda

2009-03-02T14:14:00.003Z

Jæja, þá er kominn tími á blogg. Þessi vika hefur verið annasöm, ég hef verið að vinna í verkefni og þrífa svona til skiptis. Á laugardeginum var ég bara heima að læra en í gær fór ég í sunnudagaskólann þar sem ég átti að sjá um íslensku kennsluna. Ég eyddi þvílíkum tíma í að undirbúa mig, en svo mætti bara einn lítill strákur. Eftir að ég og Sakarías höfðum haldið einn sá fámennasta sunnudagaskóla sem sögur fara af var boðið uppá kaffi og kökur í kirkjunn. Halla hafði verið í messunni og við settumst saman við borð og Kata kom svo stuttu síðar með Fróða sem hafði verið í pössun hjá henni. Ég hitti Elsu í messunni, sem ég er að fara að leigja hjá. Hún er rosalega yndæl og sagðist hlakka til að fá mig. Ég get nottla ekki beðið eftir að flytja, en ég geri ráð fyrir að það verði helgina 20 og 21 mars, eða eftir tæpar 3 vikur :D

Verkefnavinnan gengur sæmilega hjá mér og í dag mætti ég í skólann, eftir tíma fór ég á bókasafnið og fann þar bók um Augustinus, sem verkefnið er um. Ég ætla að glugga í henni í dag og vonandi get ég sett eitthvað meira niður á blað. Ég var svo að enda við að borga leiguna mína og það sem ég skuldaði MF og það er ekki mikið sem eftir stendur á bankareikningnum. Ég gat þó afhent vottorðið fyrir Fróða með norsku þýðingunni og stimplað og undirskrifað af Örnu svo það er léttir að vera buin að því. Ég fékk svo leiðinlegt sms frá þeirri sem er yfir skúringunum í forlaginu. Einhver á 3 hæð sagðist vera með ofnæmi svo nú verður Fróði að vera lokaður inni á skrifstofu eða á ganginum meðan ég skúra. Ég veit ekki alveg hvernig ég fer að því, en þetta er vægast sagt frekar fúlt. Ég fer væntanlega að skúra á morgun en þá ekki fyrr en allir eru farnir svo ég og Fróði getum verið í friði (svona ef við skyldum ekki fylgja reglunum alveg 100%).
Annars er hundafimin í kvöld og danska konan og Schnauzer vinkona Fróða sækja okkur hjá SPAR í kvöld og ég hlakka til.

Afmælisveisla, kaffiboð og hundafimi

2009-02-23T22:19:00.002Z

Heil og sæl öll! Ég er nú ekki nærri jafnmikill ofurbloggari og hún Fjóla vinkona, en ég ætla þó að reyna að taka mig aðeins á núna. Ég átti bara fína helgi og fór í einsárs afmæli til Sigrúnar dúllu á laugardaginn. Það var rosa fínt og Arna var auðvitað búin að baka þvílíkt góðar kökur. Á sunnudeginum var ég boðin heim til Miriam í bekknum mínum í bollur og kakó sem var rosalega notalegt. Miriam býr á næstu stoppistöðinni á eftir þeirri þar sem ég er að flytja og ég mun búa í herberginu hennar í einn mánuð í sumar meðan hún verður hjá foreldrum sínum í Trondelag og ég annars heimilislaus. Þetta var voða kósí íbúð, en hún leigir með tveim dýralæknanemum á síðasta ári. Önnur þeirra á þrjá stóra hunda og kennir hundafimi svo það verður gaman að hitta hana við tækifæri. Talandi um hundafimi þá skelltum við Fróði okkur á æfingu í kvöld. Ég þurfti að leggja af stað klukkan sex þó svo æfingin byrjaði klukkan 8 því það tekur mig tvo tíma og þrjá strætóa að koma mér á æfinguna. Það gekk bara sæmilega. Ég sá reyndar strax að Fróði var í prakkarastuði og braut ekki þá venju sína að stinga þrisvar af úr hringnum svo að hann var meira og minna í taum kallinn. Í annað sinn sem hann stakk af fór hann og heilsaði uppá stóru hundana og í síðasta sinn ákvað hann að rífa kjaft við Sheltie tík sem var að gera alla vitlausa með geltinu sínu. Fróði er svo klár og það eru strax þvílíkar framfarir frá því síðast hjá honum. Alveg hreint ótrúlegt hvað hann er fljótur að læra. Ég var allan tímann í hóp með Schnauzer vinkonu hans frá því síðast sem tætti í hann með reglulegu millibili, mér og eiganda hennar til mikillar mæðu. Þegar korter var eftir af þjálfuninni sagði ég þjálfaranum að ég þyrfti að fara svo ég næði strætó og spurði hana í leiðinni hvort það væri klúbbur inní Osló sem ég gæti frekar þjálfað með, því það væri svo langt fyrir mig að koma mér í þennan. Hún nefndi nokkra en á leiðinni út hrópaði á eftir mér danska konan, sem á Schnauzerinn, að ég gæti fengið far með henni. Ég var auðvitað himinlifandi og eftir æfinguna hoppaði ég í bílinn hjá henni. Við stoppuðum á stóru auðu bílastæði á leiðinni þar sem við leyfðum Fróða og Schnauzer tíkinni að hittast og greiða úr þessum ágreiningi sínum. Það gekk vonum framar og eftir örfáar mínútur voru þau farin að hlaupa um eins og brjálæðingar og leika saman. Bara alveg bestu vinir. Ég var svo ánægð og Fróði líka. Ég spjallaði svo við konuna á leiðinni heim, en hún heitir Tone og á reyndar norska foreldra þó hún hafi alist uppí Danmörku og talar því með dönskum hreim. Hún var rosa yndæl og sagði að ég gæti allatf verið samferða henni. Hún sækir mig hjá SPAR búðinni næsta mánudag klukkan 7 og svo stoppum við á leiðinni og leyfum Fróða og Schnauzer tíkinni að hlaupa og leika sér áður en æfingin byrjar. Sem er bara æðislegt og ég er svo ánægð og þakklát. Hefði bara aldrei trúað öðru eins. Guði sé lof og nú get ég haldið áfram að æfa hjá Stovner Hundeklubb, sem flestir segja að sé sá allra besti :D
En nú ætla ég bráðum í háttinn, enda langur dagur á morgun. Fer í forlagið að þvo eftir skóla og svo ætlum við Kata að elda okkur pizzu saman :þ
Guð blessi ykkur

Tvö myndbönd í viðbót :þ

2009-02-18T09:55:00.001Z

Hér er Fróði að hoppa yfir hindrun og gera nokkur trix.

Hér er svo Fróði að vefa, semsagt ekki bara að vera sjálfstæður og gera ekki neitt eins og í fyrsta myndbandinu :þ

Eigið góðan dag :D

Fróða að vefa

2009-02-17T23:23:00.003Z

Blogger vídjóið að neðan vill ekki spilast hjá mér endilega látið mig vita hvort það virkar hjá ykkur. Hendi hér inn einu í viðbót af YouTube af Fróða að vefa, svo eru fleiri á leiðinni...vondandi.

Loksins komið blogg og myndir og Vídjó!!!!

2009-02-17T21:05:00.008Z

Það er víst fyrir löngu kominn tími á blogg!!! Síðasta vika var nú heldur ekkert svo viðburðarmikil, bara skóli og vinna og þetta venjulega. Fór reglulega í heimsóknir til Kötu og Höllu þar sem ég fékk að borða góðan mat og horfa á þætti á surfthechannel.com.
Helgin var fín, ég var löt á laugardag og á sunnudag fór ég í Nordberg kirkju þar sem ég sá um íslensku kennslu fyrir litlu krakkana. Það gekk bara ágætlega, en þetta verður svolítið challenge þar sem krakkarnir eru allir á misjöfnu stigi hvað varðar lestrarkunnáttu og íslenskukunnáttu.
Í gær fór ég að þrífa í forlaginu eftir skóla. Um kvöldið fór ég svo í fyrsta sinn í Nybeginners grúppuna í hundafiminni. Ég og Fróði mættum á svæðið stundvíslega klukkan átta. Fyrsta æfingin var að láta voffana ganga í kringum keilur og Fróði stóð sig voða vel, var alveg fullkominn í hæl og allt. Með okkur var dönsk kona og hvíta Schnauzer tíkin hennar. Tíkin réðst fjórum sinnum á Fróða meðan við vorum að æfa áður en konan loks setti hana í taum, en þá vorum við Fróði þegar búin að missa soldið fókusinn enda sló þetta okkur bæði soldið útaf laginu. Við náðum okkur þó nokkuð vel á strik aftur og þá gekk bara nokkuð vel - fyrir utan að Fróði gelti reglulega á Sheltie tíkina sem var með okkur og var hálfsmeykur við Schnauzer tíkina. Hann strauk bara tvisvar úr bananum (hundafimibrautinni) í fyrra skiptið til að gelta á stóran svartan hund (sem ég átti nú von á að myndi gerast). Í seinna skiptið hafði hann átt að hlaupa í gegnum göngin en hann sneri alltaf við og hljóp út aftur þrátt fyrir að kennarinn reyndi að hindra hann. Svo Fróði fékk bara nóg af þessari grevilsins vitleysu og þaut eins og eldibrandur um hundafimibraggann, í kringum göngin, uppá borð alveg eins og píla. Ég stóð bara hjálparlaus þar til hann loks ákvað að koma til mín aftur og þóttist ætla að vera prúður. Hann fór restina af bananum í taum og ég gat ekki annað en hlegið þegar þessari æfingu var lokið. Síðasta skiptið sem við fórum banann átti hann bara eftir að hoppa yfir tvö prik, ég lét hann setjast og og sagði svo gjössovel, koddu hæll... en minn bara haggast ekki. Það var alveg sama hvað ég og þjálfarinn reyndum en allt kom fyrir ekki. Fróði sat sem fastast. Það endaði á því að ég setti hann bara í taum og hoppaði með honum. Þjálfarinn sagði að Fróði væri bara orðinn þreyttur og nú ætti hann ekki að fara oftar í banann það kvöldið. Hún sagði mér einnig að ég hefði rosa gott kontakt með hann og ynni mög vel með honum svo ég var mjög ánægð.
Á leið heim stoppaði ein konan sem hafði verið á námskeiðinu og bauðst til að skutla mér að stoppistöð nær Osló. Ég var rosa þakklát enda tekur mig ca 2 tíma að komast heim til mín frá Hellerudsletta, með þrem strætóum.
Í dag fór ég til Höllu þar sem við héldum með pompi og prakt uppá 25 ára afmælið hennar (já ég veit það var 24. jan en betra er seint en aldrei). Kötu var boðið líka og Arna bakaði rosa góða köku og hún og Halla elduðu kjúklingabringur með camebert osti inní og rjómasósu.

Við skvísurnar

Fróði var nú ekki jafn hrifinn af þessum partýflautum og við

Halla blæs á kertið á kökunni (hefðu mátt vera MIKLU fleiri)

Ég og Sigrún, veisludýr

Ég, Halla, Rut og Sigrún og Kata

Kakan góða og glæsilega

Mæðgurnar Arna og Sigrún

Ég, Rut, Sigrún, Kata og Arna

Tókum svo nokkur vídjó af Fróða á vélina hennar Höllu þar sem hann er að vefa, hér kemur eitt og það koma fleiri fljótlega í fleiri póstum:

Endilega tjáið ykkur og hafið það gott.

Hundafiminni aflýst í kvöld vegna kulda!!!!

2009-02-09T20:11:00.003Z

Í dag átti að vera hundafimi með Fróða mínum og ég var búin að hlakka mikið til. Fyrir slembilukku kíkti ég á póstinn minn áður en ég fór út og sá þá að kennarinn hafði sent meil það sem hann útskýrði að tímanum í dag væri frestað vegna kulda!!!! Það er að vísu skítkalt úti og langt fyrir neðan núllið, en veit ekki til þess að það sé mikið kaldara en um síðustu helgi. Æfingarnar eru haldnar í einskonar bragga, en þar inni er kaldara enn úti því sólin fær ekki að skína þar inn.
Ég var nottla grautfúl en í staðinn fórum við Fróði í smá labbitúr í skóginum fyrir utan hjá mér og aldrei þessu vant mundi ég eftir myndavélinni :D

Með snjóskegg

Fallegi minn

Brrrrr

Sætilíus

aaaarrrrg, ég er skrímsli og ætla að éta þig!!!

Þetta er skíðabrekkan, eða slalombakken, sem er í 3mín. göngufjarlægð frá mér, vanalega full af fólki, en opnar samt ekki fyrr en eftir 4 á daginn.

Smá landslag, eða öllu heldur tré!!!

Kveðjur frá mér og Fróða sem langaði svo í hundafimi í kvöld :(

Annríki að vana

2009-02-08T10:42:00.003Z

Eins og vanalega hefur verið nóg að gera síðustu daga. Á miðvikudaginn var ég þó í fríi og ég og Halla fórum til Ski þar sem hún þurfti að framkalla myndir fyrir skrappið. Við löbbuðum aðeins um í risastóra mollinu í Ski enda útsölurnar alveg í hámarki hérna. Um fimmleytið kvöddumst við og ég fór á lestarstöðina þar sem ég hitti Emilie og Elinu sem voru með mér á Biblíuskólanum. Við fórum svo saman til Emilie og áttum mjög huggulegt kvöld saman. Á fimmtudaginn var langur skóladagur hjá mér og eftirá þvoði ég í forlaginu. Föstudagurinn var ekki auðveldari þar sem ég þurfti að vakna hálfsjö til að fara til Klöru og þrífa hjá henni fyrir skólann. Eftir skóla hitti ég Höllu niðrí bæ og við fórum á smá búðarrölt þar sem Höllu vantaði nýtt meik og svo fann hún rosalega fína úlpu á 50% afslætti. Ég keypti diskamottur með froskum á fyrir 6 krónur í Nille og svo rændi Fróði smábarnalaeikfangi úr einni hillunni svo ég neyddist til að kaupa það líka. Ég fór svo heim til Höllu og var í mat þar og gisti svo sem var rosa fínt. Á laugardeginum skröppuðum við alveg helling og pössuðum Sigrúnu litlu sem æðir eins og trukkur um allt hús svo ekki má líta af henni. Fróði var orðinn soldið þreyttur á henni og vildi ekkert hafa hana nálægt sér þegar hann var að taka fegurðarblundinn.
Á laugardagskvöldinu kom Kata til okkar og við borðuðum saman og horfðum á Jane Austen mynd. Það var svakalega gaman. Í dag fer ég svo í forlagið að þvo og ætla svo að dusta rykið af skólabókunum. Hér snjóar og snjóar svoleiðis að ég hef sjaldan séð annað eins og ef ég ætti skíði færi ég eflaust á þeim útá strætóstoppistöð á eftir.
Í dag er morsdag, eða mæðradagurinn svo RISA knús á bestustu mömmu í heimi

Hundafimi er æði

2009-02-02T20:29:00.005Z

Það er alltof langt liðið frá síðustu færslu, en það orsakast bæði af netleysi og annríki síðustu viku. Í síðustu viku fór ég í Elkjøp, sem er það sama og Elkó heima og keypti prentara og DVD tæki með usb tengi svo ég get spilað efni af tölvunni minni í sjónvarpinu sem er bara snilld. Prentarinn kostaði bara 499 krónur, enda sá ódýrasti og einfaldasti frá HP. Það kom svo á daginn að prentarinn sem ég var búin að kaupa var ekki til á lager og eftir svoldið vesen endaði þetta á því að ég fékk í staðinn mun flottari týpu af HP ljósmyndaprentara með skanna og öllum græjum á sama verði, en hann hafði verið á tilboði á 999 krónur!!!! Ég er nottla hæstánægð með þessi kaup og lengi þráð að hafa prentara og DVD tæki.
Um helgina fór ég á grunnnámskeið í hundafimi með Fróða og það var ÆÐI. Ég var búin að vera stressuð hvernig Fróði mundi bregðast við hinum hundunum á námskeiðinu, en það var óþarfi þar sem hann var einsog engill næstum allan tímann. Á námskeiðinu voru ca 15 hundar og eigendur þeirra, allir nema 2 voru smáhundar, sem var rosa fínt. Milli þess sem yfirþjálfarinn var með fyrirlestra vorum við að þjálfa í smágrúppum, en námskeiðið fór fram í svona einskonar bragga í Hellerudsletta, sem er ca hálftíma frá miðbæ Oslóar. Það var reyndar ÍSkalt inní þessum bragga, eflaust svona mínus 10 á selsíus svo það var eins gott að halda sér á hreyfingu til að frjósa ekki innað beini. Fróði var svo duglegur og góður næstum allan tímann. Hann var meira og minna laus í hæl innanum alla þessa hunda, sem ég hélt væri bara ekki mögulegt!!! Á sunnudeginum, þegar það var að líða að lokum vorum við bæði orðin úrvinda og Fróði ákvað að stinga af úr brautinni og hljóp með gelti og látum að hundi sem var nýkominn inní braggann. Ég var nottla eldrauð af skömm og hljóp á eftir honum, alveg miður mín. En þjálfarinn sagði ég þyrfti ekki að hafa áhyggjur af þessu, ég mundi ná þessu úr honum með þjálfun. Í lokin þurftu svo allir að fara brautina og ég fór með Fróða í taum, útaf fyrrnefndri óþekkt, og hann kláraði sig rosa vel, nema hann fraus aðeins á toppnum á hæsta plankanum (sem er eins og A í laginu) en yfirþjálfarinn kom og hjálpaði mér að lokka hann niður. Svo við fengum skirteini og ég er svo stolt og ánægð með okkur bæði. Þjálfararnir voru allir alveg æðislegir, rosalega almennilegir og þolinmóðir. Jón, yfirþjálfarinn sá strax að Fróði væri þrjóskupúki og það kom stöku sinnum fyrir að Fróði ákvað að hann ætlaði sko ekki inní einhver göng, eða tæki og þá kom Jón mér til aðstoðar. Hann sagði að ég þyrfti að vera þrjóskari en Fróði, en ég efaðist þó um að geta orðið að ósk hans.
Það var svo einn af þjálfurunum sem var svo elskuleg að skutla mér á strætóstöð eftir tímann og við spjölluðum aðeins á leiðinni og hún sagði mér að það væru svaka fínir þjálfarar í Nybegynners grúppunni sem ég er að fara að byrja í. Svo ég og Fróði mætum galvösk í braggann næsta mánudag og ég hlakka rosa til.
Í dag fór ég að þrífa hjá forlaginu eftir skóla og á morgun fer ég að heimsækja hana Höllu mína sem er komin til Noregs aftur!!! Á miðvikudaginn er mér og Elinu svo boðið í mat til Emilie en við vorum allar þrjár saman á Capernwray biblíuskólanum svo það verður örugglega rosalega gaman.

Ég flyt í lok mars!!!

2009-01-26T21:21:00.007Z

Helgin hjá mér fór nú fyrst og fremst í próflestur og þrif. Ég veit, JOY. Á laugardeginum hittumst ég og Kata niðrí bæ þegar ég var búin að þrífa. Það er búið að snjóa svoleiðis heilan helling hérna í Osló þannig að allt var á kafi í hvítum snjó. Við Kata tókum Trikken eitthvert út í buskann til að finna verslun þar sem við gætum keypt spasl og málningu og það sem þarf til að laga dyrakarminn hjá mér sem Fróði ÁT þegar hann var einn heima. Við löbbuðum í marga hringi í snjónum þar til við loksins fundum Ekebergveien 158 þar sem umrædd verslun átti að vera til húsa. Þar var þó ekkert annað en einbýlishús svo þetta var orðin hin mesta fýluferð. Við fundum þó flotta dýrabúð þar sem ég keypti 500 grömm af svaka góðu hundanammi handa Fróða. Það er alveg í fullkominni bitastærð og Fróði elskar það. Svo ég var bara nokkuð sátt, en þó ekki Kata þar sem hún borðar ekki hundanammi. Við tókum Trikken svo að endastöðinni sem er þó í hálftíma göngufjarlægð frá heimilinu mínu svo við þurftum að vaða snjóinn aftur. Þegar við vorum rétt lagðar af stað rákum við þó augun í Málningavöruverslun. Við fórum nottla beint þangað inn og ég sagði afgreiðslumanninum að hundurinn minn hefði étið dyrakarminn hjá mér og hvað hann ætti til að laga það. Fyrst horfði hann bara forviða á mig og Fróða til skiftis, en hristi hann bara hausinn og fann til það sem við þurftum.
Þegar við komum svo heim gátum við hafið verkið, en það má bara bera 4 mm af spaslinu á í einu og svo þarf það að þorna í 24 tíma áður en maður má setja næsta lag svo þetta tekur soldinn tíma.
Á sunnudag fór ég aftur í Forlagið að þrífa og svo heim að lesa fyrir prófið og horfa á Life svona inná milli. Í dag hélt próflesturinn áfram auk þess sem ég þvoði hálft tonn af þvotti. Ég sendi Liv meil á laugardag þar sem ég sagði upp íbúðinni og bauðst til að auglýsa íbúðina fyrir hana í skólanum. Liv tók ekkert illa í þetta, bara mun betur en ég átti von á og þáði með þökkum að ég myndi auglýsa hana og þá á 650 norskum krónum minna á mánuði en það sem ég hef verið að borga. Hún bauð mér líka að vera áfram gegn því að lækka leiguna en ég er ákveðin í að flytja.
Þannig að það er orðið opinbert, ég flyt síðustu vikuna í mars og ég get ekki beðið :D

Búin að sjá íbúðina!!!

2009-01-23T22:14:00.002Z

Ég hef verið á kafi í próflestri þessa viku, enda próf á miðvikudaginn. Því miður er lestrarbókin fremur þur og ruglingslega uppsett svoleiðis að mér finnst ég næstum skilja minn við að lesa þetta allt saman. Síminn minn tók uppá því að bila, enda algert drasl frá upphafi svo ekki var við öðru að búast. Camilla var svo indæl að gefa mér gamla símann sinn, sem ég er rosalega ánægð og þakklát fyrir. Í dag hringdi Elsa í mig, konan sem er með íbúðina og spurði hvort ég gæti komið í dag frekar. Ég sló bara til og fór til hennar eftir skóla, því miður ekki með myndavél með mér. En íbúðin er GEGGJUÐ!!! Þetta er risíbúð á efri hæðinni í gömlu húsi. Það er afar hátt til lofts og fyrir utan baðherbergi og geymslu er hún 42 fermetrar!!! Íbúðin er staðsett í Ullevåll sem er afar fallegt og gamalt hverfi rétt útfyrir miðbæinn. Í íbúðinni er eldavél, ísskápur, risastór frystikista, flestallt sem þarf til baksturs, þvottavél (sem ég deili með Elsu), GEÐVEIKUR hornsófi sem rúmar ca 8manns!!!! Glersófaborð, borðstofuborð og stólar, geymsla, þvottagrind.............Þetta er semsagt bara of fullkomið. Leigan er bara 4000 norskar á mánuði og tryggingin bara einn mánuður. Þar sem ég þarf að flytja úr íbúðinni 26.júní til 1.ágúst borga ég bara hálfan mánuð í júní og ekkert fyrir júlí. Ég flyt inn síðustu vikuna í mars og þá viku förum ég og Elsa í IKEA því hún ætlar að leyfa mér að velja matarstell, kerti, dúka og svona dúllerí fyrir íbúðina sem mig langar í og hún borgar!!!!!! Fróði er nottla velkominn einsog alltaf og hún bauðst jafnvel til að passa hann fyrir mig :D
Ég er sko að farast úr spenningi, það verður æði að flytja í þetta húsnæði. Ég ætla svo að semja bréf til Liv á morgun og segja upp íbúðinni formlega.
Ég veit ekki alveg hvað ég ætla að gera í júlí, þegar ég verð heimilislaus, en Camilla er búin að bjóðast til að passa Fróða ef ég fer eitthvað af landinu :þ
Hef þetta ekki lengra, en Guð er yndislegur!!!

Mamma búin í aðgerðinni og námslánið á leiðinni

2009-01-20T14:45:00.002Z

Helgin var ágæt hjá mér en ég stóð þó í þrifum bæði föstudag, laugardag og sunnudag. Í gær hitti ég Kötu eftir skóla og við fórum í smá verslunarleiðangur að kaupa bækur til að skrifa í og penna. Þegar við vorum staddar inní stærstu verslunarmiðstöðinni í bænum heyrðist allt í einu rosalegur hávaði í hátalarakerfinu var okkur tilkynnt að eldur hefði komið upp og allir ættu að yfirgefa bygginguna. Við þurftum bara að leggja frá okkur það sem við höfðum verið að skoða og afgreiðslufólkið gekk frá kassanum í miðri afgreiðslu. Það myndaðist auðvitað örtröð við alla útgangana en það var þó enginn sem panikkaði og það gekk alveg fáránlega hratt að tæma þessa risabyggingu. Ég er nú ekki að sjá neitt svona fyrir mér heima á klakanum, það hefði enginn hreyft sig þó eitthvað brunavarnakerfi færi í gang! Þetta reyndist ekkert alvarlegt og það var búið að opna verslunarmiðstöðina aftur innan við klukkutíma síðar svo ég og Kata gátum klárað innkaupin og fórum svo heim til Kötu og elduðum saman mat.
Ég hringdi í bankann í dag og nú ætti lánið mitt loks að vera á leiðinni inná norska reikninginn minn og ég vona það gerist fyrir helgi. Mamma fór í aðgerðina á hnénu í gær og það gekk bara rosa vel. Hún var vakandi í aðgerðinni svo Kári lánaði henni ipodinn sinn og pabbi lét hana hafa einhver svaka hágæða heyrnartól svo hún hlustaði bara á klasíska tónlist í toppgæðum á meðan á aðgerðinni stóð. Hún var nefnilega búin að vera með áhyggjur af að þurfa að heyra eitthvað þegar þeir væru að saga í beinið, sem ég skil mjög vel. Núna liggur hún inni, alveg uppdópuð á verkjalyfjum en fær væntanlega að fara heim fyrir helgi. Ég hef samt doldlar áhyggjur af henni því það er svo mikið af stigum heima og hún verður ein um helgina, svo endilega hafið hana í bænum ykkar.
Ég hringdi í Örnu, íslendingaprestinn, í dag að þakka henni fyrir að gefa mér svona góð meðmæli við Elsu og benda mér á íbúðina sem hún er að leigja út. Hún bauð mér í mat svo ég og Fróði erum á leiðinni þangað á eftir, en það verður bara mjög gaman að hitta hana aftur.
Guð veri með ykkur.

Óvænt símtal

2009-01-16T19:05:00.004Z

Í dag var annar dagurinn í nýju vinnunni minni hjá bókaforlaginu. Ég mætti með Fróða klukkan 10 í morgun og þá tók María á móti mér. Það tók ca 3 tíma að þvo, enda þurftum við stundum að bíða eftir að geta þrifið skrifstofurnar þar sem allir rithöfundarnir og útgefendurnir voru í vinnunni. Fróði vakti mikla aðdáun hjá einum rithöfundinum sem var mjög fyndinn og furðulegur. Á einni skrifstofunni voru ca 10 bækur í ruslinu sem átti að henda svo ég hirti tvær þeirra sem virtust áhugaverðar. Þegar ég var búin að þvo hringdi Elsa í mig, sú sem á íbúðina sem ég ætla að flytja í. Þá hafa aðstæður breyst og íbúðin verður laus um miðjan mars í staðinn fyrir ágúst!!! Svoleiðis að Elsa bauð mér að koma þá, þó er sá hængur á að í júlí var hún búin að lofa dóttur sinni að vera í íbúðinni á meðan hún væri í heimsókn. Það þýðir að í júlí yrðum ég og Fróði heimilislaus og spurning hvernig ég leysi það. Ég sagðist ætla að tala við leigusalann minn og hugsa málið, en ég fer og hitti Elsu á laugardag í næstu viku. Ég er enn í smá sjokki, enda kom þetta heldur flatt uppá mig. Ég er samt alveg til í að flytja þangað, enda er þetta helmingi stærra, 1200 norskum krónum ódýrara og í göngufjarlægð frá skólanum. Vandamálið er þó að ég set Liv, leigusalann minn í vonda stöðu með því að segja upp íbúðinni núna, sem mér er afar illa við. Ég hringdi í hana í kvöld og lét hana vita hvað ég væri að spá og hún var auðvitað ekki ánægð að heyra það.
Ég er alveg ringluð hvað ég á að gera, en þið megið endilega biðja fyrir þessu.
Eftir þetta ruglingslega símtal hitti ég Camillu á Nationaltheatret og hún bauð mér í súpu og brauð á kaffihúsi niðrí bæ sem var mjög kósí.
Ég bíð enn eftir að geta millifært námslánin mín en vonandi verður það hægt í næstu viku.
Á morgun þarf ég að vakna snemma aftur þar sem ég fer til hennar Klöru að þrífa hjá henni.
Það verður fínt að hitta hana aftur og spjalla og ég ætla líka að leggja þessi íbúðarmál fyrir hana.
Guð blessi ykkur

Peysan tilbúin!!!

2009-01-15T16:33:00.005Z

Jæja, þá hef ég lokið við meistaraverkið! Þetta tók á og ég hefði ekki getað þetta án Kötu, míns dygga aðstoðarmanns, en ég er bara nokkuð ánægð með árangurinn.

Ég komst semsagt að því þegar ég var rétt byrjuð á prjónaskapnum að peysan yrði aðeins dýrari en ég hélt þar sem garnið er 100% norsk ull og ekki alveg gefins!

Peysan var nottla vígð í dag og eftir skóla fór ég með Fróða í labbitúr í skóginn með myndavélina meðferðis.

Hann er nottla bara flottasta módelið sko :þ

Ég fann svo nokkrar myndir til viðbótar á vélinni sem ég læt fylgja með af okkur hundavinkonunum, eða frá kvöldinu áður en ég kom hingað út aftur:

Ég og elsku bestasta Fjóla mín

Fjóla og Fannar sætilíus

Gengið: Fjóla, Kristín og ég ásamt voffunum

Ég sakna ykkar svo hrikalega bara við að skoða þessar myndir :(
En nú erum ég og Kata að fara að elda einhverskonar pasta úr ódýru stúdenta matreiðslubókinni svo ég læt þetta duga í bili.
Guð veri með ykkur!

Fyrsti skoladagurinn

2009-01-14T12:34:00.003Z

Bara nokkur ord herna tar sem fyrsti skoladagurinn er hafinn! I gaer heldum eg og Kata uppa afmælid hennar med tvi ad elda kjuklingarettinn fræga og borda jolagotteri. Eg gaf henni rosa sæt nattføt sem eg keypti a januarutsølunni herna uti. Eg sit nu i tølvuherberginu i skolanum med Henriette, Marte og Camillu. Tad er bara mjøg fint ad vera byrjud aftur og hitta allar frabæru vinkonurnar minar herna i MF. Eftir skola fer eg svo og kaupi einn garnhnykil til vidbotar svo eg og Kata getum lokid vid peysuna sem vid erum ad prjona handa Froda. Hun verdur sko geggjad flott ef hun heppnast vel, en eg lofa ad setja myndir tegar hun er tilbuin. Eg hef tetta ekki lengra i bili enda byrjar næsti timi von bradar, en knus a linuna og takk fyrir sidast.

HELLINGUR AF MYNDUM FRÁ GAMLÁRSKVÖLDI!!!!

2009-01-12T01:06:00.000Z

Þetta hefur verið ágætis helgi. Í gær var soldill letidagur, en Kata kom til mín eftir hádegi og við elduðum saman kartöflurétt úr stúdenta matreiðslubókinni. Í dag hitti ég Camillu og við fórum saman í göngutúr í skóginum með Fróða. Það var mjög fínt, en reyndar flughált svo við fórum bara stuttan hring. Svo fór ég til Kötu og við fengum okkur pizzu og spiluðum og spjölluðum svo restina af kvöldinu. Ég fékk símhringingu frá Elsu sem á íbúðina sem ég vil endilega flytja í í ágúst. Elsu leist rosa vel á mig og ég fer vonandi fljótlega að skoða íbúðina sem er 42 fermetrar, eða 60% stærri en sú sem ég bý í núna. Þetta verður þó ekki fyrr en í ágúst, en ég er rosa spennt nú þegar.
Ég notaði svo restina af kvöldinu í að fara í gegnum allar myndirnar frá gamlárskvöldi og henda þeim hér inn í fullum gæðum, svo njótið vel :D

Pabbi og mamma með blys útí garði

Lára, mamma og ég:

María Erla

Mamma og Lára

Ég og Kári litli brósi

Hjalti og pabbi sætastir

Feðgarnir allir saman

Kári og pabbi

María Erla og Hjalti

Við systurnar

Gamla settið

Pabbi, Kári og María

Ég og María Erla

María, ég, pabbi, María og Lára (Kári í bakgrunn)

Útsýnið úr garðinum okkar

Stjörnuljósið hennar mömmu

Smá svona fönkí mynd af Láru í ljósinu frá flugeldunum

Kári og Lára

Hjalti

Smá svona artí

Ég og pabbi

Skötuhjúin

Hin hefðbundna gamlárspizza

Hjalti og María

Kári og Lára

Lára, Kári og María

Svo nokkrar frá öðrum í jólum:

Kári með lokuð augun...AGAIN

Jæja, held þetta sé feikinóg í bili, farin að sofa. Góða nótt!