Saumaklúbbur og leynigestur

Sæl og blessuð! Ég er alveg að springa úr spenningi enda kem ég heim ekki á morgun heldur hinn!!!!
Gærdagurinn var svo alveg draumur í dós. Ég var með saumaklúbbinn og Halla, Henriette, Marte og Camilla komu. Við prjónuðum, kjöftuðum og átum heitar bollur með geitaost og piparkökur. Ég gerði svo heitt súkkulaði handa okkur og það var algert nammi.
Það voru teknar nokkrar myndir - klikkið á þær til að sjá þær stærri!

Frá vinstri: Henriette, ég og Fróði, Camilla og Marte að súpa kakó

Ég og Fróði, Camilla, Marte og Henriette - takið eftir svipnum á Fróða

Ég og Fróði, Camilla, Marte og Henriette

Halla og Fróði, Camilla, Marte og Henriette

Það kom svo leynigestur sem krassaði kúbbinn okkar, en leynigesturinn var enginn annar en pabbi. Hann þurfti að koma hingað út vegna vinnunnar og hafði tíma í gær til að heimsækja mig sem var bara geggjað. Við spjölluðum helling saman og eftir kúbbinn fórum ég og pabbi í bæinn í smá jólagjafarinnkaup. Ég fékk að velja gjafirnar mínar í Bok og Media á meðan pabbi dottaði í stól í búðinni. Ég var auðvitað ekki lengi að finna hrúgu af bókum og geisladiskum. Stærstu gjöfina fékk ég svo fyrirfram til að þurfa ekki að dröslast með hana á milli landa. Það er semsagt Norsk Studie Bibel og hún er geggjað flott! Innbundin í ekta leður og myndskreytt með helling af nytsamlegum upplýsingum og vísunum fram og til baka. Ég er svaka ánægð með hana og tek hana með útum allt til að monta mig af henni. Eftir verslunaræðið fórum ég og pabbi á Akerbrygge á Big Horn Steak House og fengum okkur svakalega góða mexíkanska piparsteik og lauksúpu í forrétt. Við áttum alveg frábæran dag saman! Alveg æðislegt að rölta um Osló með pabba og kíkja í búðirnar og á jólaskrautið.
Í dag fór ég í MF að skrifa undir einhvern pappír því ég fæ lánað hjá þeim peninga til að borga leiguna mína 1. jan. Námslánin fæ ég nebbla ekki fyrr en eftir að ég hef fengið einkunn frá MF, sem er 8. janúar. Það er nottla bara ótrúlegt að skólinn sé bara til í að lána mér þessa peninga og enginn deadline eða vextir!!! Ég hélt ég gæti ekki orðið ánægðari með skólann minn, en hann verður sko bara betri og betri!!!
Á morgun skelli ég Fróða í jólabaðið og pakka ofan í tösku fyrir hann. Svo tek ég tvo strætóa til Bøler þar sem Camilla býr. Ég verð í mat hjá henni og fer svo heim Fróðalaus. Ég á sko eftir að sakna litla stubbsins alveg hræðilega yfir jólin. En ég veit að Fróði mun hafa það svaka gott hjá henni Camillu og verður sko í svaka dekri hjá henni um jólin.
Það er allt búið að ganga eins og í lygasögu með litla tjúahvolpinn sem María mín á að fá. Hann fer í Rabies sprautu á morgun og verður svo í pössun hjá mömmu og svo Fjólu þangað til ég kem heim. Ég hlakka ekkert smá til að sjá litla stúfinn. Ég kem heim ekki á morgun heldur hinn og ég bara hreinlega get ekki beðið eftir að hitta ykkur öll!!!!